Cəmiyyət

AFFA, YAŞAT fondu və bir neçə qurum uşaqlara Avro-2020-yə bilet hədiyyə edib - FOTO

10 İyun 2021 16:26

Baxış: 557

COVİD-19 pandemiyası dövründə fəaliyyət göstərən tibb işçilərinin övladlarına Avro-2020-nin oyunlarına bilet hədiyyə edilib.

AFFA-dan verilən məlumata görə, Avro-2020-nin Bakıda keçiriləcək oyunları ilə bağlı AFFA korporativ sosial məsuliyyət təşəbbüsü çərçivəsində "Qayğı-Sağlam Nəsil Naminə" İctimai Birliyinin nəzdində fəaliyyət göstərən Daun sindromlu uşaqların reabilitasiya mərkəzi, "SOS Uşaq Kəndləri - Azərbaycan" Assosiasiyası İctimai Birliyi, YAŞAT fondu, LU-MUN, Qadın və Uşaq Sığınacağı, COVİD-19 pandemiyası dövründə fəaliyyət göstərən tibb işçiləri (onların övladları) üçün biletlərin ayrılması barədə qərar qəbul edib.

İyunun 12-də keçiriləcək Uels - İsveçrə oyunu üçün ayrılmış biletlər iyunun 10-da Bakı Olimpiya Stadionunda AFFA-nın nümayəndəsi tərəfindən adı qeyd olunmuş qurumlara bu və ya digər şəkildə aidiyyəti olan uşaqlara, eləcə də onları müşayiət edən şəxslərə təqdim olunub.

Təşəbbüsün hədəf kütləsi uşaqlardır.

Milli.Az