Cəmiyyət

Sudan istifadə sahəsində yeni yanaşma - VİDEO

16 Aprel 2021 11:09
Baxış: 544

Qlobal iqim dəyişikliyi ilə əlaqədar bütün dünyada şirin su qıtlığı müşahidə olunur.

Milli.Az REAL TV-yə istinadən xəbər verir ki, Azərbaycan da bu baxımdan risk qrupunda olan ölkələr sırasındadır. Ümumi şirin su istehlakının 70-80%-nin kənd təsərrüfatının payına düşdüyünü nəzərə alsaq ilim dəyişkiliyi nəticəsində ən böyük zərbə elə kənd təsərrüfatına dəymiş olur.

Yağıntıların azalması bu sahə üçün risklər yaradır və bu risklərin qarşısını almaq məqsədilə kənd təsərrüfatı nazirliyi tərəfindən suya qənatə etmək üçün dünyada tətbiq edilən üsullardan yəni innovativ, müasir ssitemlərdən istifadəsi tövsiyyə edilir. Ölkədə su ehtiyyatlarının qorunub saxlanılması məqsədilə aidiyyatı qurumlardan ibarət su komissiyası yaradılıb. Həmin komissiyasının vəzifəsi mövcud suyun ədalətli və proporsional bölgüsünü təmin etmək, su itkilərinin qarşısını almaq, su itkiəlrinə yol verilməsi hallarının qarşısını almaqla bağlı təkliflər verilməsi istiqamətində kordinasiya işlərini aparmaqdan ibarətdir.

Firudin Tağıyev bildirdi ki, artıq Azərbaycanda sürətlə müasir suvarma sistemlərinə keçid baş verməkdədir. Hazırda iri təsərrüfatlarda pivot suvarma sistemləri tətbiq edilir. Eyni zamanda kənd təsərrüfatı nazirliyi tərəfindən ötən ildən tətbiq edilən damlama suvarma sistemləri vasitəsilə də suvarma işlərində əhəmiyyətli irəliləyişlərə nail olunub.

Qeyd edək ki, Kənd Təsərrüfatı Nazirliyinin Aqrar Kredit və İnkişaf Fondu tərəfindən müasir suvarma sistemləri dəstinin dəyərinin 20% ilkin ödəniş etməklə, 40% dövlət güzəşti tətbiq olunur, məbləğin qalan 40%-i də 5 il müddətində fazisiz kredit şəklində ödəməklə əldə edilə bilir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.