Cəmiyyət

Trend BİA və Qırğızıstanın "Kabar" agentliyinin rəhbərləri birgə layihələrin həyata keçirilməsini müzakirə ediblər

11 Aprel 2021 21:48

Baxış: 719

VTB-də minimal faiz dərəcəsi ilə nağd kredit 9.9%-dən

Bu gün, aprelin 11-deə Bakıda Trend Beynəlxalq İnformasiya Agentliyinin Baş direktoru İlqar Hüseynov və "Kabar" Qırğızıstan Milli İnformasiya Agentliyinin (KNİA) direktoru Kabar Kubanyçbek Taabaldiyev əməkdaşlığı genişləndirmək və birgə layihələr həyata keçirmək barədə razılığa gəliblər.

Milli.Az Trend-ə istinadən bildirir ki, tərəflər iki agentlik arasında əlaqələrin möhkəmləndirilməsi perspektivlərini, informasiya sahəsində qarşılıqlı əlaqəni və mümkün birgə proqramları müzakirə ediblər. "Kabar" və Trend-in rəhbərləri əməkdaşlığın genişləndirilməsi üçün planların hazırlamasına razılaşıblar.

"Kabar" Qırğızıstan Milli İnformasiya Agentliyi (KNIA) Qırğızıstan Respublikasının daxili və beynəlxalq informasiya siyasətinin yeganə dövlət informasiya-analitik qurumu və kordinatorudur. Agentlik, ilk növbədə Qırğızıstan Respublikasında və xaricində dövlət orqanları, vətəndaş cəmiyyəti strukturları, iş birlikləri tərəfindən verilən rəsmi məlumatları və digər məlumatları yayır.

1995-ci ildə Azərbaycanda yaradalışmış müstəqil xəbər agentliyi olan Trend Beynəlxalq Xəbər Agentliyi, Xəzər dənizi bölgəsi, Cənubi Qafqaz və Orta Asiyadan gələn xəbərləri yayımlayır. Agentlik tərəfindən buraxılan analitik hesabatlar və bədii məqalələr bu bölgələrdə əsas siyasi, iqtisadi, enerji və maliyyə hadisələrinə həsr edilib.

Milli.Az