Cəmiyyət

Murov tək oğul - VİDEO

7 Aprel 2021 15:54
Baxış: 1 274
VTB-də minimal faiz dərəcəsi ilə nağd kredit 9.9%-dən
#VİDEO
Ruslan İsmayılov Murovun ən çətin postlarının alınmasında iştirak edib

Milli.Az Real TV-ə istinadən bildirir ki, o, Vətən müharibəsində Kəlbəcərin ilk şəhidi olub. Murovun ən çətin postlarının alınmasında qəhrəmancasına vuruşub.

Şəhid Ruslan İsmayılovdan danışacağıq. Hər zaman hərbçi olmaq arzusu ilə alışıb yanan Ruslanın hərb yolu Tovuz döyüşlərindən başlayıb. Bu yolun son dayanacağı isə Murov olub.

Şəhidin həyat yoldaşı deyir ki, Ruslanla son telefon danışığında ondan halallıq istəyib və əminliklə şəhid olacağını söyləyib.

Çox zəhmətkeş idi Ruslan. Həyatda hər şeyə özü nail olmaq istəyirdi. Şəhidin bacısı Könül bütün bacılara Ruslan kimi qardaş arzulayır.

Şəhid Ruslan İsmayılov 1986-cı ildə Gürcüstanın Marneuli rayonunda anadan olub. 1991-ci ildə ailəsi ilə birgə Göygöl rayonunun Çaykənd kəndinə köçüb. 2002-ci ildə Vətənə borcunu yerinə yetirmək üçün həqiqi hərbi xidmətə yollanıb. Ruslan 2016-cı ildə öz istəyi ilə müddətdən artıq hərbi xidmət çəkmək üçün N saylı hərbi hissənin kəşfiyyat bölməsində kəşfiyyatçı kimi fəaliyyətini davam etdirib.

44 günlük Vətən müharibəsinin ilk günündən ön sıralarda olan vətən oğlu sentyabrın 27-də, Kəlbəcər uğrunda gedən döyüşlərdə ən ağır postların alınmasında iştirak edərək Kəlbəcərin ilk şəhidi olub. Şəhidin Vətənə iki əmanəti - 14 yaşlı Ramizi və 12 yaşlı Nihatı qalıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.