Cəmiyyət

Yaralı halda xəstəxanadan qaçıb döyüşlərdə qəhrəmanlıq göstərən şəhid Sahib Musayev - VİDEO

6 Aprel 2021 11:24
Baxış: 497

Vətən müharibəsində böyük şücaət göstərmiş qəhrəmanlardan biri də Sahib Musayev olub. O, yaralı halda xəstəxanadan qaçaraq yenidən döyüşlərə qatılıb.

Milli.Az xezerxeber.az-a istinadən bildirir ki, Qaxın Şotavar kəndindən olan 36 yaşlı şəhid Sahib Musayevin məktəb vaxtlarından hərbiyə böyük həvəsi olub.

Sahib sonradan Xüsusi Təyinatlı Qüvvələrdə gizir kimi xidmətə başlayıb.

O, Aprel döyüşlərində də iştirak edib. Vətən müharibəsi başlayanda isə ailəsi ilə sağollaşaraq döyüşlərə yollanıb. Döyüşlərin birində ayağından yaralanan Sahib Musayev 2 gün sonra xəstəxanadan qaçaraq yoldaşlarının yanına gedib.

"Pələng" ləqəbli Sahib Musayev noyabrın 7-də Şuşa uğrunda gedən döyüşlərdə yaralanıb. Yaralı halda düşmən tankına hücum edib və qəhrəmancasına şəhid olub.

İki övlad atası olan Sahib Musayev ölümündən sonra "Azərbaycan Bayrağı" ordeni və 3 medalla təltif edilib.

Mövzu ilə bağlı daha ətraflı videomaterialı təqdim edirik:

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.