Cəmiyyət

Tibbi sığortası olan şəxs müayinə üçün pul ödəyəcəkmi? - Açıqlama

4 Aprel 2021 17:14
Baxış: 1 507

İcbari Tibbi Sığorta üzrə Dövlət Agentliyi bir il müddətində, yəni 2022-ci il yanvarın 1-dək müştərək maliyyələşmə məbləğinin yığılmasını dayandırmağı düşünür.

Milli.Az bildirir ki, bunu ARB24-ün "İşgüzar səhər" verilişinə açıqlamasında İcbari Tibbi Sığorta üzrə Dövlət Agentliyinin mətbuat katibi Aynurə Əhmədova deyib. 

"Koronavirusla mübarizə çərçivəsində bəzi xəstəxanalar fəaliyyətini dayandıraraq, yalnız koronavirusa yoluxmuş xəstələrə xidmət göstərir. Bu isə əhalinin xidmət almaq imkanlarını bir qədər məhdudlaşdırır.

Bu səbəbdən agentlik bir il müddətində müştərək maliyyələşmə məbləğinin yığılmasını dayandırmağı düşünür. Bu o deməkdir ki, əgər pasiyent müraciət qaydasını pozarsa, yəni ailə həkiminə deyil, birbaşa ixtisas həkiminə müraciət edərsə, ödəməsi lazım olan 5 AZN məbləğindəki vəsaiti ödəməyəcək", - o bildirib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.