Cəmiyyət

"Azİz" Assosiasiyası beynəlxalq ictimaiyyəti Xocalı soyqırımını tanımağa çağırıb

26 Fevral 2021 15:49

Baxış: 580

VTB-də minimal faiz dərəcəsi ilə nağd kredit 9.9%-dən

İsraildə fəaliyyət göstərən "Azİz" İsrail-Azərbaycan Beynəlxalq Assosiasiyası Xocalı soyqırımının 29-ci ildönümünü ilə əlaqədar ölkənin dövlət qurumlarına və beynəlxalq təşkilatlara bəyanatla müraciət edib.

Diasporla İş üzrə Dövlət Komitəsindən Milli.Az-a verilən məlumata görə, bəyanatda deyilir ki, beynəlxalq hüquq normalarını və konvensiyaları pozaraq Azərbaycanın Xocalı şəhərində soyqırımı törədənlərin indiyə qədər məsuliyyətə cəlb olunmaması anlaşılmazdır. Bildirilib ki, 1988-1994-cü illər ərzində Azərbaycan ərazilərinin işğalı zamanı Xocalıda və başqa rayonlarda cinayətlər törədən müqəssirlər indiyədək cəzasız qalıblar. Nəinki cəzasız qalıblar, beynəlxalq hüquqa və insan hüquqlarına zidd olaraq Ermənistanda şöhrətləndiriliblər.

Bəyanat müəllifləri beynəlxalq ictimaiyyəti susmamağa, Xocalı soyqırımının icraçılarını mühakimə etməyə, törətdikləri vəhşiliklərə görə məsuliyyətə cəlb etməyə və Xocalı soyqırımının tanınmasına dair rəsmi bəyanatla çıxış etməyə çağırıblar: "Belə dəhşətin bir daha təkrarlanmaması üçün tədbirlər görün!".

Qeyd edək ki, təsis olunduğu ilk ildən "Azİz" Assosiasiyası Xocalıda baş verən dəhşətli hadisələrə həsr olunmuş tədbirlər keçirir. Xocalı soyqırımının 29-cu ildönümü ərəfəsində Assosiasiya tərəfindən 2013-2020-ci illərdə həyata keçirilən tədbirlərdən ibarət videoçarx da hazırlanıb.

Videoçarxı bu linkdən izləmək mümkündür: https://youtu.be/91L7S1uBeQg

Milli.Az