Cəmiyyət

"Hemofiliya peyvənd üçün əks-göstəriş deyil" - Assosiasiya prezidenti

23 Fevral 2021 11:42
Baxış: 256

COVİD-19-a qarşı peyvənd olunmaq hemofiliyalı xəstələr üçün təhlükəli deyil. Onların da bu vaksini vurdurması mütləqdir. Sadəcə olaraq, belə şəxslərin vaksinasiyasından qabaq iynə vurulma zamanı qanaxmanın baş verməməsi üçün qabaqlayıcı tədbirlər görülməlidir.

Milli.Az bildirir ki, bunu Trend-ə Hemofiliyalı Xəstələrin Respublika Assosiasiyasının prezidenti Gülnarə Hüseynova deyib.

Onun sözlərinə görə, hazırda hemofiliyalı xəstələrin vaksinasiyası üçün onlar arasında maarifləndirmə işləri aparılır:

"Artıq Avropa ölkələrində də hemofilyalı xəstələrin vaksinasiyasına başlanılıb. Biz hemofiliyalı, eləcə də xüsusi qayğıya ehtiyacı olan digər xəstələrə vaksinin ayrıca həkim nəzarəti altında vurulacağını gözləyirik".

G.Hüseynova artıq COVİD-19-a qarşı vaksinin birinci dozasını vurdurduğunu və özünü normal hiss etdiyini də qeyd edib:

"Çox təəssüf ki, bəzi şəxslər vaksinlə bağlı ajiotaj yaratmaq istəyirlər. Artıq pandemiyaya qalib gəlmək üçün vaksinin vurdurulması mütləqdir. Mən özüm yaşı 50-dən yuxarı olanların vaksinasiyasının başlanılacağı günü səbrsizliklə gözləyirdim"

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.