Cəmiyyət

Cəriməsini ödəməyən şəxs bölməyə aparıla bilər?

22 Fevral 2021 11:05

Baxış: 1 588

VTB-də minimal faiz dərəcəsi ilə nağd kredit 9.9%-dən

#POLİS #CƏRİMƏ #KARANTİN

Avtobusda maskanı çənəsinə endirib telefonla danışarkən polis əməkdaşı Samir Cəfərova protokol yazıb. Daha sonra cəriməni yerində ödəmək tələb olunub. Samir bundan imtina etdiyi üçün onu yaxınlıqdakı polis bölməsinə aparıblar.

Vətəndaşdan yerində ödəmə tələb etmək, bu alınmadıqda şəxsin bölməyə aparılmasının hüquqi əsası varmı?

Milli.Az İctimai TV-yə xəbər verir ki, nağdız hesablaşmalar haqqında qanuna əsasən inzibati cərimələrin ödənilməsi yalnız nağdsız qaydada həyata keçirilir.

İnzibati Xətalar Məcəlləsinin 150-ci maddəsinə görə, cərimə 30 gündən gec olmayaraq ödənilməlidir. Qanunvericilikdə cərimənin yerindəcə ödənilməsi ilə bağlı heç bir qeyd yoxdur.

Hüquqşünas Şəmsəddin Əliyev bildirib ki, vətəndaşın üzərində 100 manat olmaya bilər və buna görə polis onu bölməyə apara bilməz:

"Polis maskasız şəxsə protokol tərtib edir. Protokolun bir surətini vətəndaşa verir. Vətəndaş da həmin protokola əsasən gedib o cəriməni ödəməlidir".

Milli.Az