Cəmiyyət

“Mənimlə bərabər 300-dən çox şəxsi işdən azad ediblər” - AÇIQLAMA

15 Fevral 2021 14:41
Baxış: 1 468
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

SOCAR Abşeron Qazma Şirkəti"ində (AQŞ) kütləvi ixtisarlar başlayıb. Mənimlə bərabər 300-dən çox işçini işdən azad ediblər. Dəfələrlə deyilib ki, pandemiya dövründə işçilər işdən çıxarılmasın, amma nəzərə almırlar. İxtisarlar hələ də davam edir.

Milli.Az bildirir ki, bu iddia ilə qafqazinfo-ya şirkətdə anbardar köməkçisi kimi çalışdığını deyən Vüqar Hüseynov müraciət edib. O, özü ilə yanaşı bir çox işçilərin çətin vəziyyətdə qaldığını deyir:

"İdarədə ümumilikdə 1200-ə yaxın işçi çalışırdı. 4-5 gün olar ki, təxminən 25 faizi işdən çıxarılıb. Bizə deyiblər ki, 3 ayın maaşını əvvəlcədən ödəyəcəklər. İşdən çıxarılma səbəbimizi demirlər. Ancaq onu deyirlər ki, işçilərin sayı azaldılır. Rəhbərliyə də müraciət edirik, müraciətimizə baxan yoxdur."

Problemlə bağlı SOCAR AQŞ-nin ictimaiyyətlə əlaqələr şöbəsindən "Qafqazinfo"ya bildiriblər ki, şirkətdə kütləvi ixtisarlardan söhbət getmir:

"SOCAR AQŞ xidmət təşkilatıdır. İşçilər işə layihə əsasında götürülür. Yəni SOCAR-ın müəyyənləşdirdiyi iş planı əsasında işçi qüvvəsi cəlb edilir və müqavilə bağlanır. Layihə tamamlandıqdan sonra isə müqaviləyə xitam verilir. Şirkətdə heç bir kütləvi ixtisardan söhbət getmir".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.