Cəmiyyət

Beynəlxalq antikorrupsiya sertifikatının alınması işləri bu il başa çatdırılacaq

31 Yanvar 2021 18:15
Baxış: 672
VTB-də minimal faiz dərəcəsi ilə nağd kredit 10.49%-dən

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Beynəlxalq Standartlaşdırma Təşkilatının (İSO) anti-korrupsiya siyasəti və korrupsiyaya qarşı fəaliyyət sertifikatını (İSO 37001) almaq üçün ötən ilin ortalarından müvafiq işlər aparır.

Nazirlikdən Milli.Az-a verilən məlumata görə, ilk mərhələdə Xidmətin əməkdaşları Təşkilatın "İSO 37001 standartının tətbiqi üzrə mütəxəssis hazırlığı" təlim kurslarını keçiblər. Növbəti mərhələ kimi, həmin standartın standartın tələblərinə uyğun idarəetmə sisteminin tətbiqi işləri aparılır. Üçüncü mərhələdə isə bu sahədə görülmüş işlərin beynəlxalq akkreditasiyaya malik təşkilat tərəfindən qiymətləndirilməsi aparılacaq və müvafiq sertifikatla təsdiq ediləcək.

Korrupsiyanı aşkarlamaq, qarşısını almaq və aradan qaldırmağa kömək etmək üçün bir sıra mexanizmləri özündə ehtiva edən İSO 37001 sertifikatlaşdırılmış idarəetmə sistemi korrupsiya risklərini aradan qaldırmaq üçün təşkilatlara praktik müstəvidə doğru təlimat, prosedur və siyasət dəstəyini təmin edir.

Sertifikatın alınması işlərinin bu il başa çatdırılması nəzərdə tutulur.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.