Cəmiyyət

Tonlarla naringi anbarlarda çürüyür - VİDEO

28 Yanvar 2021 14:19
Baxış: 1 285

Astaralı fermerlərin bu il min zəhmətlə topladıqları naringi saxlama anbarlarında çürüyür. Səbəb isə təsərrüfat sahiblərinin öz məhsullarını istədikləri qiymətə sata bilməmələridir.

Milli.Az sfera.az-a istinadən xəbər verir ki, Astaranın Kijəbə qəsəbəsində fermerlərin əksəriyyətində 30 tondan çox naringi anbarlarda qalıb, burada hər gün çürüyən 500-600 kq meyvə zibilə atılır.

Naringi yetişdirənlər deyirlər ki, anbarlarda qalan məhsul kiloqramı 1 manatdan satılır. Bu qiymət isə məhsulun yetişdirilmə və saxlama xərclərini ödəmədiyindən onlara sərf etmir. Onlar deyirlər ki, xaricdən gətirilən məhsul da yerli məhsulun qiymətinə təsir edir.

Qeyd edək ki, Astarada 2300 hektara yaxın naringi bağı var. Bu sahələrdən keçən il təsərrüfat sahibləri ümumilikdə 34 min 442 ton məhsul yığıblar.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.