Cəmiyyət

Gəncədə “COVID-19”-a qarşı vaksinasiya prossesinə başlandı - FOTO

21 Yanvar 2021 18:04

Baxış: 1 253

VTB-də minimal faiz dərəcəsi ilə nağd kredit 9.9%-dən

Gəncədə yeni növ koronavirusa (COVID-19) qarşı peyvəndləmə prossesinə başlanılıb. İlkin olaraq tibbi işçilərinin vaksinasiyası həyata keçirilir.

Gəncə şəhər İcra hakimiyyətindən Milli.Az-a verilən məlumata görə, bununla əlaqədar olaraq Gəncədə 6 tibb məntəqəsi yaradılıb. 2, 5 və 6 saylı şəhər poliklinikalarında, habelə Gəncə Beynəlxalq Xəstəxanası, Yeni Gəncə Tibb Mərkəzi və Gəncə Mərkəzi Klinika Xəstəxanasında yerləşən tibb məntəqələrində xüsusi otaqlar hazırlanıb.

Burada gözləmə, qeydiyyat, peyvənd və postvaksinal-gözləmə otaqları ilə yanaşı, vaksinasiyadan sonra səhhətində hər hansısa problem yarana biləcək şəxslər üçün təcili yardım otağı da yaradılıb. Bütün otaqlar zəruri tibbi və gigiyenik avadanlıqlarla təchiz ediliblər. Bu otaqlarda gün ərzində 100 nəfərin peyvənd edilməsi mümkündür.

Vaksinlər tələb olunan normalara uyğun şəkildə xüsusi termoçantalarda gətirilərək, tibb məntəqələrində quraşdırılan soyuducularda 2-80 tempraturda saxlanılırlar.

Birinci mərhələdə şəhərə 1659 doza peyvənd gətirilib.

Milli.Az