Cəmiyyət

"Pandemiya başlayanda ölkəni tərk edə bilməyən 60 min əcnəbi var idi"

14 Yanvar 2021 12:57
Baxış: 470

2020-ci il bütün dünyada COVİD-19-la mübarizə ili kimi yadda qalıb.

Milli.Az Trend-ə istinadən bildirir ki, bunu bu gün keçirilən mətbuat konfransında Dövlət Miqrasiya Xidmətinin rəisi Vüsal Hüseynov deyib.

Onun sözlərinə görə, Azərbaycan da bu mübarizəyə qoşulub: "2020-ci ilin yanvar-fevral aylarında 2019-cu ilin müvafiq dövrü ilə müqayisədə ölkəyə gələnlərin sayında kəskin azalma olub. Ötən il koronavirus olmasaydı, dinamik artım olardı. Mart ayında pandemiya başladı və hələ də qüvvədədir. Sərhədlərdən keçidin məhdudlaşması miqrasiya proseslərinə də mənfi təsir göstərib. Biz də çalışırdıq ki, ötən il ölkədə yaşayan miqrantların miqrasiya xidmətlərindən istifadəsini təmin edək. Pandemiya başlayanda ölkədə 59 min 800 nəfər var idi ki, vəziyyətlə əlaqədar ölkəni tərk edə bilmirdi və etmək istəmirdi. Bu şəxslərin müraciətləri leqallaşdı və Xidmət tərəfindən heç bir əcnəbinin ölkədən çıxarılması olmadı. Pasport müddəti bitən əcnəbilərin də müraciətləri nəzərə alındı".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.