Cəmiyyət

Azərbaycan Rusiyadan peyvənd gətirəcək? - TƏBİB aydınlıq gətirdi

16 Oktyabr 2020 12:12
Baxış: 1 914

Azərbaycan koronavirusa qarşı peyvəndin hazırlanması ilə bağlı dünyada gedən prosesləri yaxından izləyir və bununla bağlı çoxtərəfli və ikitərəfli platformalarda iştirak edir.

Milli.Az Trend-ə istinadən bildirir ki, bunu TƏBİB-in şöbə müdiri Yaqut Qarayeva deyib.

Y.Qarayeva bildirib ki, dünyada bir neçə peyvənd namizəd kimi təsdiq olunub, lakin onların insanlarda istifadəsi zamanı hansısa mənfi məqamlar ortaya çıxıb.

O qeyd edib ki, hələ ki dünyada elə bir vaksin yoxdur ki, bütün mərhələləri bitirsin və beynəlxalq təşkilatlar tərəfindən təsdiq olunsun: "Belə bir vaksin olacaqsa, biz onu gətirən birinci ölkələrdən olacağıq".

Rusiyada istehsal olunan peyvəndlərin Azərbaycana gətirilməsi məsələsinə toxunan Y.Qarayeva bildirib ki, Rusiyada istehsal olunan peyvəndlər də namizəd peyvəndlər siyahısındadır və beynəlxalq təşkilatlar tərəfindən qiymətləndirilir: "Əgər beynəlxalq təşkilatlar tərəfindən tam təsdiq olunarsa, Azərbaycan onların da gətirilməsi barədə düşünə bilər".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.