Cəmiyyət

Tarixçi: "Biz Arsak toponimini daha çox təbliğ etməliyik"

23 Sentyabr 2020 13:45
Baxış: 1 502
VTB-də minimal faiz dərəcəsi ilə nağd kredit 9.9%-dən
#CƏMİYYƏT #TƏHSİL

Biz Arsak toponimini işlətməkdən qətiyyən qorxmamalıyıq, əksinə bu adı daha çox təbliğ etməliyik.

Milli.Az Trend-ə istinadən bildirir ki, bunu Azərbaycan Milli Elmlər Akademiyasının Tarix İnstitutunun elmi işçisi Ramin Əlizadə "Arsak toponiminin elmi mənşəyi" mövzusunda keçirilən vebinarda deyib.

Onun sözlərinə görə, 7-ci sinif "Azərbaycan tarixi" dərsliyində Qarabağda qədim türk tayfası olan sakların toplu halda yaşadığı ərazinin Arsak kimi verilib və bu həmin dövrə aid xəritədə də göstərilib:

"Bunlar hamısı böyük Azərbaycanın coğrafi adları olub. Son dövrlərdə bu barədə məlumatı olmayan insanların bu məsələni qabartması onların məlumatsızlığından irəli gəlir. Bu məsələlərlə bağlı hər hansı məlumat hazırlanarkən mütəxəssislərə müraciət etmək lazımdır. Biz öz tariximizi təbliğ etməliyik, öz tariximizi savadı olmayan şəxslərin fəallaşması ilə öyrənməli deyilik. Biz erməni dəyirmanına su tökənlərin fikirləri ilə razılaşmalı deyilik".

R.Əlizadə əlavə edib ki, xristian abidələrinin əksəriyyəti Qarabağ zonasında tikilib: "Burada xristian türkləri yaşayıblar, özlərini də alban xristianları kimi qələmə veriblər və Ərsakdan olduqlarını abidələrində də bildiriblər".

Tarixçi "Ərsak"ın türk mənşəli söz olduğunu deyərək əlavə edib ki, eramızdan əvvəl 7-ci əsrdən sonra Kür və Araz çayları arasında Sak çarlığı var idi ki, bu da bizim indiki Qarabağın ərazisində olub. "Ar" sözünün mənası da "ər, igid" deməkdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.