Cəmiyyət

Azərbaycanda koronavirusa görə bağlanan bazar açıldı

22 Sentyabr 2020 10:33

Baxış: 3 433

#BAZAR #KORONAVİRUS

Şəki rayonunda kütləvi yoluxmanın qeydə alındığı və fəaliyyəti üç gün müvəqqəti olaraq dayandırılmış bazar açıldı.

Milli.Az qazet.az -a istinadən xəbər verir ki, "Şəki Bazar" ASC bu gün səhər saatlarında fəaliyyətə başlayıb.

Qeyd edək ki, Nazirlər Kabineti yanında Operativ Qərargah Şəki şəhərində mövcud sanitar-epidemioloji vəziyyətlə əlaqədar olaraq, sakinlərin COVID-19 infeksiyasına yoluxması hallarının qarşısının alınması məqsədilə "Şəki Bazar" ASCnin üç gün müeddə\tində fəaliyyətini dayandırmışdı.

Mütəmadi olaraq profilaktik tədbirlərin görülməsinə baxmayaraq, Mingəçevir şəhərinin, Yevlax və Ağdaş rayonlarının əhalisinin də bazarlıq etdiyi "Şəki Bazar" ASC-də alqı-satqı ilə məşğul olan şəxslərin koronavirusa yoluxması ilə əlaqədar aparılan testlər nəticəsində ötən həftə 12 nəfər in virusa yoluxduğu aşkar edilib.

Milli.Az