Cəmiyyət

"Məktəbə güllər gətirilməsin" açıqlamasından sonra gül salonları - VİDEO

14 Sentyabr 2020 12:23

Baxış: 3 594

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Təhsil Nazirliyinin "məktəbə güllərin gətirilməsi lazım deyil, bu infeksiyaya səbəb ola bilər" açıqlamasından sonra gül salonlarına edilən sifarişlərin bəziləri ləğv edilməyə başlayıb. Buna baxmayaraq bəzi gül salonları hələ də həmin gün satışların yaxşı olacağına inanır.

Milli.Az Xəzər TV-yə istinadla xəbər verir ki, müxtəlif gül dəstələri ilə yanaşı, məktəblilər üçün xüsusi səbətlər də hazırlayan satıcılar indi çaş-baş qalıblar.

Deyirlər ki, Təhsil Nazirinin müşaviri Rüstəm Ağayevin valideynlərə müraciətindən sonra hazırladıqları gül dəstələrini sata bilməməkdən ehtiyat edirlər.

Satıcılar deyirlər ki, adətən 15 sentyabr günü güllərə təlabat çox olduğundan onlar hazırlıqlara 4-5 gün öncə başlayıblar. Artıq bəzi sifarişlər də qəbul olunub. Lakin bu say ötən illərlə müqayisədə azlıq təkil edir.

Satıcıların sözlərinə görə, sözügedən qərardan sonra sifarişini ləğv etdirən valideynlər də olub.

Milli.Az