Cəmiyyət

Zöhrab Mnatsakanyandan KTMT baş katibinə təcili telefon zəngi - KÖMƏK İSTƏYİR

13 İyul 2020 13:45
Baxış: 3 158
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İyulun 13-də Ermənistan xarici işlər naziri Zöhrab Mnatsakanyan KTMT baş katibi Stanislav Zasla telefon danışığı keçirib.

Milli.Az konkret.az-a istinadən xəbər verir ki, bu barədə Ermənistan Xarici İşlər Nazirliyinin rəsmi nümayəndəsi Anna Naqdalyan məlumat yayıb.

Məlumata görə, nazir Mnatsakanyan KTMT baş katibinə iyulun 12-də Azərbaycanla sərhəddə Ermənistanın Tavuş vilayəti istiqamətində atəşkəsin pozulması və 13 iyulda yenidən başlaması, habelə vəziyyətin daha da gərginləşməsinin nəticələri barədə ətraflı məlumat verib.

Nazir Mnatsakanyan KTMT üzvü olan ölkələrə münasibətdə bu cür hərəkətlərin yolverilməzliyini qeyd edib.

Nağdalyan xəbər verir ki, KTMT baş katibi ilə davamlı əlaqə saxlanılır və blok daxilində işlər davam edir.

Haşiyə: Ermənistanın baş diplomatının belaruslu generala təcili telefon zənginin gizli məqamları açıqlanmasa da hər kəsə bəllidir ki, o, müharibə qızışarsa, KTMT-dən qabaqlayıcı tədbir kimi birbaşa kömək istəyib. Ancaq nazir unudur ki, hələlik Azərbaycanın özgə torpaqlarında gözü yoxdur. Rəsmi Bakının istəyi Ermənistan silahlı qüvvələri tərəfindən işğal edilən ərazilərini geri qaytarmaqdır. Qərbi Azərbaycanda türklərin yaşadığı qədim el-obaya dönüş isə bundan sonrakı mərhələdir.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.