"Eskulap" apteki xidmətinizdədir

Artıq uzun illərdir ki, "Eskulap" apteki yüksək səviyyəli xidməti ilə Bakı şəhəri sakinlərinin və qonaqlarının qulluğundadır. Şəhərin mərkəzi küçəsi olan Nizami küçəsində yerləşən "Eskulap" aptekinin xidmətlərindən bir çoxları istifadə etmişdir. Bu aptekə daxil olanda ilk əvvəl özünəməxsus dizayn insanın diqqətini cəlb edir. Burada hər bir dekor, şəkillər, lövhələr, hətta mebellər özünəməxsusluğu ilə fərqlənir. Səliqə-səhmanla yanaşı, "Eskulap" aptekində yüksək nizam-intizamın da hökm sürməsi diqqətdən yayınmır.

Xüsusi diqqət və tələbkarlıqla seçilmiş personal hər an köməklik üçün müraciət edən alıcılara yardım etməklə onlara yüksək xidmət göstərir.

Bir müddət əvvəl "Eskulap" apteki əvvəlki personalı və özünəməxsusluğu ilə yeni ünvana köçmüşdür. Rəşid Behbudov 42 ünvanında yerləşən yeni "Eskulap" apteki öz alıcılarına daha da yüksək xidmət göstərmək üçün iş rejimində dəyişiklik etməklə fasiləsiz iş rejiminə keçmişdir. Artıq Mərkəzi Bankın yaxınlığında, Rəşid Behbudov 42 ünvanında "Eskulap" apteki 24/7 prinsipi ilə fəaliyyət göstərir. Artıq günün istənilən saatı, həftənin istənilən vaxtı "Eskulap" apteki sizin xidmətinizdədir.

Alıcılara yüksək xidmət təqdim edən "Eskulap" apteki onların maddi durumunu da düşünərək yeni qiymət siyasəti qəbul etmişdir. Artıq "Eskulap" apteki qiymətlərini digər apteklərdən aşağı təyin etməklə yüksək keyfiyyətli dərman, müalicəvi kosmetika, gündəlik gigiyena vasitələri, optik və gün eynəkləri, linzalar və digər optik aksesuarları sizin xidmətinizə təqdim edir.

"Eskulap" aptekində mütəmadi keçirilən endirim kampaniyaları da alıcıların diqqətini çəkir. "Eskulap" aptekində daimi olaraq tələbələr və təqaüdçülərə 5%dən 15%-dək endirim təqdim olunur. "Beynəlxalq Sığorta Şirkəti", "Paşa Sığorta", "AzSığorta" şirkətlərində tibbi sığorta paketi sahibləri də nağd alış-veriş zamanı 5%dən 15%-dək endirimdən yararlana bilərlər.

Bundan başqa, optik eynək sifariş verdikdə təcrübəli mütəxəssis tərəfindən görmə itiliyinin xüsusi kompüter aparatı ilə təyini də pulsuz həyata keçirilir. Məşhur optik brendlərin seçimində də mütəxəssis köməyindən yararlanmaq mümkündür. Mütəxəssislə birgə edilən seçim sizin sağlamlığınız üçün təhlükəsiz, büdcəniz üçün sərfəli olacaq.

"Eskulap" aptekində müştərilərə bir çox xidmətlər təqdim olunur ki, bunlardan birini xüsusi olaraq diqqətinizə çatdırmaq istərdik. Hər hansı bir preparatı tapa bilmirsinizsə və ya axtarmağa vaxtınız yoxdursa, "Eskulap" apteki sizin yardımçınız ola bilər. Siz axtardığınız preparatın adını əczaçıya bildirin. Əgər həmin preparat Azərbaycan Səhiyyə Nazirliyi tərəfindən qeydiyyatdan keçirilibsə, o dərman 3 gün ərzində əldə olunub sizə çatdırılacaq. Beləliklə, siz nəinki pulunuza, həm də vaxtınıza, əsəblərinizə qənaət etmiş olacaqsınız.

"Eskulap" aptekində daim yenilənən kampaniyalar, endirimlər və digər xidmətlərdən xəbərdar olmaq üçün facebook səhifəsi də yaradılmışdır. Siz http://www.facebook.com/pages/Aptek-ESKULAP/204853359553927 səhifəsinə daxil olub "like" etməklə mütəmadi olaraq yeniliklərdən xəbərdar ola bilərsiniz. Çünki biz sizin sağlamlığınız və rahatlığınız üçün çalışırıq.