İdman

Mourinyodan 6 futbolçuya "qara xəbər": kökündən dəyişəcək

25 Aprel 2025 15:20

Baxış: 1 685

VTB-də minimal faiz dərəcəsi ilə nağd kredit 9.9%-dən

#JOZE MOURİNYO #FƏNƏRBAĞÇA #FUTBOL #MOURİNYO

"Fənərbağça"nın baş məşqçisi Joze Mourinyo "Kayserispor"la keçirilən oyundan sonra heyətdə ciddi dəyişikliklər etməyə qərar verib.

Milli.Az-ın Türkiyə mətbuatına istinadən məlumatına görə, portuqaliyalı mütəxəssisin "Gaziantep FK" ilə keçiriləcək qarşılaşmanın start heyətində tam 6 dəyişiklik etməsi gözlənilir.

Super Liqada "Kayserispor"la 2:2-lik heç-heçədən sonra çempionluq yarışında "Qalatasaray"ın 5 xal gerisinə düşən "sarı-lacivərtlilər"də Mourinyo ciddi rotasiya edəcək.

Məlumata görə, təcrübəli məşqçi bu matçla birlikdə yenidən 3 müdafiəçili sistemə qayıdacaq. İlk ciddi dəyişiklik qapı xəttində baş tutacaq. Dominik Livakoviç ehtiyat skamyasına göndəriləcək, onun yerinə performansı ilə azarkeşlərin sevimlisinə çevrilən İrfan Can Eğribayat forma geyinəcək.

Müdafiənin mərkəzində Milan Şkrinyar, Mert Müldür və gənc Yusuf Akçiçekin yer alacağı bildirilir. Sağ cinahda Osayi-Samuelin əvəzinə isə Oğuz Aydın start heyətində olacaq.

Yarımmüdafiə xəttində də dəyişikliklər gözlənilir. Sebastiyan Simanski ehtiyatda oturacaq, onun yerinə Sofyan Amrabat şans qazanacaq.

Hücum xəttində isə dəyişməz qalan yeganə ad Anderson Talişka olacaq. Duşan Tadiçin əvəzinə isə İrfan Can Kahveciyə fotmaşansı veriləcək.

Mərkəz hücumçu mövqeyində isə Yusif En-Nesri yerini Edin Dzekoya təhvil verəcək.

Tural
Milli.Az