Dünya

Misirdə qatar qəzasında ölənlərin sayı 7-yə çatıb

8 Noyabr 2026 21:00

Baxış: 177

VTB-də minimal faiz dərəcəsi ilə nağd kredit 9.9%-dən

Misirdə iki sərnişin qatarının toqquşması nəticəsində ölənlərin sayı 7-yə, yaralıların sayı isə 112-yə çatıb.

Milli.Az xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, hadisə Əl-Əyyat şəhəri yaxınlığında baş verib.

Nazirliyin məlumatına görə, xəsarət alanlardan 45-i artıq xəstəxanadan evə buraxılıb. Vəziyyəti yaxşılaşan daha 7 nəfərin yaxın vaxtlarda xəstəxanadan buraxılması gözlənilir.

Qeyd edək ki, noyabrın 8-də səhər saatlarında Gizadan Fəyyuma hərəkət edən sərnişin qatarı Qahirədən Asuana gedən digər qatarın arxa hissəsinə çırpılıb.

Toqquşma nəticəsində bir neçə vaqon relsdən çıxıb.

Misir Prezidenti Əbdülfəttah əs-Sisi həlak olanların ailələrinə dərin hüznlə başsağlığı verib.

Dövlət başçısı hadisənin araşdırılması və faciəyə səbəb olan səhlənkarlığa yol vermiş şəxslərin məsuliyyətə cəlb edilməsi barədə göstəriş verib.

Müəllif: Ülkər Vəliyeva (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ