İdman

"Real Madrid" "El Klasiko"da oynamaqdan imtina edir

25 Aprel 2025 22:20

Baxış: 7 369

VTB-də minimal faiz dərəcəsi ilə nağd kredit 9.9%-dən

#REAL MADRİD

"Real Madrid" klubu bu şənbə İspaniya Kral Kuboku finalında oynamaqdan imtina etməyi düşünür.

Milli.Az xəbər verir ki, "Kral klubu" İspaniya Futbol Federasiyasından matçı idarə edəcək referilərin dəyişdirilməsini tələb etsə də, qurum neqativ cavab verib. "Marca" nəşrinin yaydığı məlumata görə, federasiya sabah "Barselona" - "Real Madrid" qarşılaşması üçün hakimləri yeniləməsə, Madrid klubu oyuna çıxmayacaq.

Klub hakimlərin bugünkü mətbuat konfransında səsləndirdiyi fikirlərdən qəzəblənib və artıq bu axşamkı məşq, mətbuat konfransı və rəsmi şam yeməyini təxirə salıb. Baş hakim Rikardo De Burqos konfransda ağlayaraq "Real Madrid TV"nin onları tənqid etməsi barədə bu sözləri demişdi: "Qarşıdakı günlərdə görəcəksiniz, ciddi qərarlarla tarix yazacağıq".

Xatırladaq ki, "El Klasiko" aprelin 26-dan 27-nə keçən gecə Bakı vaxtı ilə saat 00:00-da baş tutmalıdır. (Offsideplus.az)

Milli.Az