Cəmiyyət

BŞBPİ: Əli Kərimli izahatı alındıqdan sonra buraxılıb

20 Oktyabr 2019 08:28

Baxış: 2 377

VTB-də minimal faiz dərəcəsi ilə nağd kredit 9.9%-dən

Dünən metronun "28 May" stansiyasının önündə keçirilən mitinqə cəhdin qarşısı alınarkən polis tərəfindən saxlanılmış həmin qanunsuz aksiyanın iştirakçıları arasında Azərbaycan Xalq Cəbhəsi Partiyasının sədri Əli Kərimli də olmuşdur.

Milli.Az bildirir ki, Bakı şəhər Baş Polis İdarəsindən Trend-ə istinadən verdiyi məlumata görə, o, barəsində müvafiq sənədləşmə aparılması üçün avtobusa əyləşdirilərkən polis əməkdaşlarına müqavimət göstərmiş və nəticədə alın nahiyəsi avtomobilin dəmir barmaqlığına dəyərək yüngül xəsarət almışdır.

Əli Kərimli Daxili İşlər Nazirliyinin Hospitalına aparılmış, orada ona tibbi yardım göstərilmiş və izahatı alındıqdan sonra buraxılmışdır.

Milli.Az