Cəmiyyət

Rus alim Azərbaycanın 1200 illik tarixini açıqladı - FOTO

10 İyul 2019 16:45
10 Şərh     Baxış: 2 850

Sosial şəbəkələrdə tarixə dair analizləri və tədqiqatları ilə məşhurlaşan tarixçi Oleq Petrenkonun Yutub kanalı bir neçə ay əvvəl naməlum səbəblərdən bloklanıb.

Milli.Az axar.az-a istinadən bildirir ki, uzun müddətdən sonra tədqiqatçı yeni Yutub kanalını açıb. Petrenko yeni kanalında ilk videosunu Azərbaycan və ölkəmizin şəhərlərinə dair xatırlatmalar olan qədim xəritə və kitablara həsr edib.

O, əlindəki material əsasında Azərbaycan xalqının tarixinin ən azı min ildən çox olduğunu bildirib.

"Bizim əlimizdə Azərbaycan xalqının çoxəsrlik tarixinə dair faktlar var. 1864-cü ildə Londonda "Kral Coğrafiya Cəmiyyətinin əsərləri" adlı kitab çap olunur. Azərbaycan kimi tanınan ölkə Rusiya və İran arasında bölünüb. Azərbaycan ərazisi təxminən 80 min kvadrat mil: 50 min kvadrat mil Rusiya (indiki Azərbaycan və Ermənistan əraziləri), 30 min kvadrat mil (yalnız Cənubi Azərbaycan xanlıqlarının ərazisi nəzərdə tutulur - red.) isə İran ərazisində göstərilib", - təqdiqatçı bildirib.

Qeyd: 1813-1828-ci illərdə Azərbaycan dövlətinin ərazisi 410 min kv/km olub. "Türkmənçay" müqaviləsi ilə Azərbaycanın Arazın güneyindəki 280 min kv/km ərazisi İrana, 130 min kv/km. ərzisi isə Rusiyaya qatılıb.

Azərbaycan şəhərləri arasında İrəvan, Naxçıvan, Qarabağ, Gəncə, Şirvan, Şəki, Şamaxı, Bakı, Quba və Salyan göstərilib.

"Rus general-mayoru, senator, yazıçı, kartoqraf Stepan Daniloviç Burnaşov 1786-cı ildə "İran azərbaycanlılarının regionlarının təsviri və onların siyasi vəziyyəti" adlı kitab yazıb. Qafqaz diyarının bu xəritəsində 1799-cu il sərhədləri göstərilib və İrəvan xanlığı Azərbaycan Qacar sülaləsinin tabeliyində olduğu qeyd edilib", - Petrenko bildirib.

Qədim xəritələrdə Azərbaycan əraziləri Şirvan kimi qeyd edilib. Azərbaycanın bir hissəsi isə Midiya adlandırılır.

Moskvadakı erməni muzeyində Xəzər dənizinin xəritəsi saxlanılır.

Sözügedən xəritə 1730-cu ildə yaradılıb. Bu xəritədə müasir Azərbaycan ərazisində eyni zamanda Midiyanın (Səfəvi dövləti nəzərdə tutulur) regionlarından biri olan Şirvan dövləti yerləşir.

Xəzər dənizinin 1736-cı ildə Britaniyada dərc olunan xəritəsində Şirvan Midiya dövlətinin bir hissəsi kimi qeyd olunur.

Xəzər dənizinin Fransada nəşr olunan xəritəsində isə müasir Azərbaycanın ərazisi Şirvan və ya Midiya adı altında göstərilir.

Sözügedən xəritə 1630-cu ildə yaradılıb. Bakı şəhəri bu xəritədə Midiya dövlətinin ərazisində yerləşir.

Alman kartoqrafı Yohan Homon Asiyaya səyahət edib. 1762-ci ildə kartoqraf şəhərlərin təsvirləri ilə birlikdə planını hazırlayıb. Onun xəritəsində Bakı şəhəri Midiya dövlətinin, Şamaxı şəhəri isə Şirvanın tərkibində göstərilir.

"IX əsrdə əl-Yaqubi kitab yazıb. O, ərəb səyyahı, tarixçi və coğrafiyaçısıdır, IX əsrdə yaşayıb və 897-ci ildə vəfat edib. Bu kitabdan biz Azərbaycanı ayıraq və Quqlun tərcümə xidmətində tərcümə edək. Artıq 800-cü illərdə Azərbaycanın mövcud olduğu ortaya çıxacaq. Daha doğrusu, hələ IX əsrdə yalnız Azərbaycan dövləti deyil, Azərbaycan xalqı anlayışı da mövcud olub. Bir daha təkrar edirəm ki, bütün bunlar 800-ci ilə aiddir.

II Aleksandr dövründə 1871-ci ildə yazılmış daha bir kitaba nəzər salaq. Sözügedən kitab Rusiyanın Dövlət Kitabxanasında yerləşir. Kitabda deyilir: "Bütün Azərbaycanda ən yaxşı hesab olunan Gəncə qalası da Rusiya qoşunlarına qarşı dura bilmədi". Kitabda Rusiyanın Qacarlar sülaləsinə qarşı apardığı müharibə əks olunub. Qacarlar - Azərbaycan dilində danışan, türk-azərbaycanlılardır", - Petrenko bildirib.

Milli.Az

Məqaləyə dair fotomateriallar:

loading...

Şərh yaz:

10 Şərh:

  • Anonim
    ŞEYX · 10 İyul 17:0872

    Elədir.Azərbaycan 1200 ildir var.Ondan qabaq buralar su olub. Farslar ama deyir Azərbaycan 100 il onların Midiya dövlətinin; 200 il Əhəməni; 400 il Parfiya; 400 il Sasani; 250 il də onların Səfəvi dövlətinin bir parçası olub.Daha bilmirlər ki bura dəniz olub.

    Cavab yaz
    • Anonim
      Şeyxə · 10 İyul 17:3146

      Sefevi Azerbaycan dovleti,Şah İsmayil Xetaide Azerbaycanli Sefevi dovletinin başcisi olub farslarda Ehemeni dovleti idi.Tarixden yazanda faktlarla yazmaq lazimdi

      Cavab yaz
  • Anonim
    (+-) · 10 İyul 21:1720

    Necə olur Gəncənin 2500 yaşı olur.Azərbaycanın vur tut 1200.Yəni 8-ci əsrdən mövcuddur. Bəlkə bizi cavanlaşdırmaqda kimisə qədimləşdirməkdə yenə məqsəd var.

    Cavab yaz
  • Anonim
    AZE · 10 İyul 21:2420

    Bu araşdırmaçı tarixçiyə Allahdan qüüvvət,bacarıq və can sağlığı diləyirəm.

    Cavab yaz
  • Anonim
    Tarix sevən · 10 İyul 22:1012

    Dəqiq tarixi Allahdan başqa heç kəs bilə bilməz. Sadəcə bu günə kimi Azərbaycanı əks etdirən qədim xəritələr 700-ci illərdən başlayır. İlk olaraq biz ərəblərin sonra avropalıların xəritəsində qeyd olunmuşuq.Hal hazırda olan real məlumat xəritə baxımindan.Erməni lobbiləri çoxlu saxta qədımi xəritələr yaratsa da orginal deyil. Heyif ki burada şəkil yerləşdirmək olmur.

    Cavab yaz
    • Anonim
      DiNOZAVR · 10 İyul 22:2162

      Yaxşı ki şekil yerleşdire bilmirsiz.Tarixi uydurma "allah"la bağlayan, Azerbaycan vilayetini ereb işğalçılarından başladanın xeritesi nece olardı?

      Cavab yaz
    • Anonim
      Samed dagli · 10 İyul 22:4141

      Vahabi

      Cavab yaz
    • Anonim
      Samed dagli · 10 İyul 22:4241

      Bilinirki vahabisen srazu erebi soxursan ortaya

      Cavab yaz
      • Anonim
        Samed dagli-ya · 10 İyul 23:0302

        Mən elmi faktar əsasında olanları yazdım.Çayxanada danışılan söhbətləri yox. Tanimadıgın adamla sənin nə işin var ? Sənə şəxsən mən deyirəm sən kimsən ?

        Cavab yaz
  • Anonim
    (+-) · 10 İyul 23:3704

    Bəlkə bizim tarixi araşdırmaçilar Roma,Yunan,Çin arxivlərinə ciddi nəzər salsalar nəsə daha erkən məlumatlar əldə edə bilərlər. Deyilənə görə ən qədim xəritələr məhz bu ölkələrdə yaranıb.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.