Cəmiyyət

Azərbaycanlı alim Mendeleyev cədvəlini modernləşdirdi - AÇIQLAMA

7 Dekabr 2018 22:53
0 Şərh     Baxış: 1 481

Bakıda fəaliyyət göstərən Fizika, riyaziyyat və informatika təmayüllü liseyin kimya müəllimi, texnika elmləri üzrə fəlsəfə doktoru Firudin Quliyev Mendeleyev cədvəlinin yeni tərtibatını hazırlayıb.

Milli.Az bildirir ki, bu barədə "ölkə.az"a açıqlamasında Firudin Quliyev özü məlumat verib. 

O, deyib ki, bu yenilik Kimya dərslərində şagirdlərin kimyəvi elementlər bəhsini və atomun quruluşu bəhsini öyrənməkdə əyani vəsait olmaqla yanaşı həmçinin Kimya ilə maraqlanan geniş oxucu kütləsinin köməyinə çatacaq. 

Onun sözlərinə görə, cədvəl respublika kimyaçıları tərəfindən rəğbətlə qarşılanıb, respublika məktəblərindən çoxlu sayda müsbət rəylər yazılıb:

"Eyni zamanda Bakı Dövlət Universiteti və AMEA-dan ayrı-ayrı şəxslərdən rəylər yazılaraq orta məktəbdə istifadə edilməsi üçün Təhsil Nazirliyinə tövsiyə edilib. Bu həmçinin Kurikulum jurnalının (2014 N:1) səhifələrində də  işıqlandırılıb. Hazırda sözügedən cədvəl Bakı Dövlət Universitetinin otaqlarında da asılıb". 

F.Quliyev həyata keçirdiyi yeniliyin Azərbaycan Respublikası Müəllif Hüquqları Agentliyi tərəfindən təsdiq olunduğunu bildirib:

"Bu yeniliyin beynəlxalq səviyyədə tanıdılması üçün çalışacam. Artıq həyata keçirdiyim bu yeniliklə bağlı Rusiyanın "Rusiya" və "Avropa-Asiya" elmi jurnallarında mütəxəssislər tərəfindən müsbət rəy alınaraq dərc edilib". 

O əlavə edib ki, bu ideya onda şagirdlərin Mendeleyev cədvəlindən istifadədə çətinlik çəkməsindən sonra yaranıb:

"Gördüm ki, şagirdlər çox çətinliklər çəkirlər. Mən də düşünüb belə bir yenilik etdim".

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.