Cəmiyyət

Bu mağazada HƏR ŞEY PULSUZDUR – VİDEO – FOTO

29 Sentyabr 2018 11:44
1 Şərh     Baxış: 3 718

"Ehtiyacın varsa götür, ehtiyacın yoxdursa gətir"

İsmayıllı sakinləri ehtiyacı olan insanlara əl tutmaq üçün maraqlı bir yola əl atıblar.

Milli.Az ARB TV-yə istinadən xəbər verir ki, İsmayıllıda bir mağaza var ki, burda satılan hər şey pulsuzdur.

Rayonun mərkəzində xeyriyyə məqsədi ilə fəaliyyət göstərən mağaza imkansız insanlara pulsuz pal-paltar, müxtəlif əşyaları təqdim edir. "Ehtiyacın varsa götür, ehtiyacın yoxdursa gətir" adlı kampaniyaya bütün rayon sakinləri qoşulub. Həm müraciət edən imkansız insanlara paltar götürmək imkanı yaradılır, həm də xeyirxah insanların gətirdikləri paltarlar qəbul edilir. 

Sakinlər öz təəssüratlarını bölüçüblər: 

Xamis Babayev: "Kimlərinsə maddi imkanı aşağıdır, burden yararlı paltar alıb istifadə edirlər. Gözəl təşəbbüsdür.

Kəmalə Xəlilova: "5 uşaq anasıyam, uşaqlar bir-birinin paltarını geyinirlər. Eşitdim burada belə bir mağaza var. Gəldim müraciət etdim".

Nariyə Babayeva: "Paltar götürmüşüy uşaqlara. Bu mağazanı açanlara, bu şəraiti quranlara təşəkkür eləyirik. Çox sağolsunlar".

Vitrində ayaqqabı, uşaq geyimləri, yay və qış geyimləri üstünlük təşkil edir. Ölçülər də fərqlidir. İsmayıllı ilə yanaşı, qonşu Ağsu və Göyçay rayonlarından da mağazaya maraq böyükdür. "Ehtiyacın varsa götür, ehtiyacın yoxdursa gətir" adlı kampaniyası çərçivəsində hətta əlil vətəndaşa əlil arabası, bir neçə imkansız ailələrə isə məişət avadanlıqları hədiyyə olunub.

Milli.Az 

Videonu izləmək üçün şəklə klikləyin:

Bu mağazada HƏR ŞEY PULSUZDUR

Məqaləyə dair fotomateriallar:

loading...

Şərh yaz:

1 Şərh:

  • Anonim
    saday · 29 Sentyabr 2018 13:0230

    Sabah ozum gedib maraglanacam yazaram etrafli

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.