Cəmiyyət

Azərbaycanda NATO Həftəsi keçiriləcək

7 Sentyabr 2018 19:08
0 Şərh     Baxış: 1 033
VTB-də minimal faiz dərəcəsi ilə nağd kredit 9.9%-dən
#NATO #AZƏRBAYCAN

Azərbaycanda NATO Həftəsi keçiriləcək.

Milli.Az xəbər verir ki, bu barədə Trend-ə təşkilatdan bildiriblər.

Məlumatda qeyd olunur: "Biz Azərbaycanda NATO Həftəsi çərçivəsində sentyabrın 20-i "Qadınlar, sülh və təhlükəsizlik" mövzusunda konfransın keçirilməsi barədə Azərbaycanın təklifini alqışlayırıq".

NATO-dan bildiriblər ki, Azərbaycanla əməkdaşlıq 2017-2019-cu illər Fərdi Tərəfdaşlıq üzrə Əməliyyat Planında (IPAP) razılaşdırılıb.

Qeyd olunub ki, bu plan NATO ilə Azərbaycan arasında sıx münasibətləri əks etdirən, gələcəyəyönümlü plandır:

"Azərbaycan həmçinin qadınların təhlükəsizlik sahəsində fəal iştirakının təmin olunmasında fəaliyyətini aktivləşdirməyə hazır olduğunu bəyan edib. Azərbaycan NATO-nun dəyərli tərəfdaşıdır və bizim təhlükəsizlik problemləri üzrə sıx əməkdaşlıq tariximiz var. NATO Azərbaycanın Əfqanıstandakı missiyaya daimi töhfəsini, eləcə də Əfqanıstan milli təhlükəsizlik qüvvələrinin hazırlanmasında NATO-ya köməyi üzrə səylərini yüksək qiymətləndirir".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.