Cəmiyyət

Qaxac və bağırsaq dolması necə hazırlanır? - VİDEO

2 Dekabr 2017 20:39

6 Şərh Baxış: 9 351

#KULİNARİYA #CƏMİYYƏT

Azərbaycanın şimal-qərb bölgəsinin qışını qaxacsız təsəvvür etmək mümkün deyil.

Demək olar ki, hər kəs imkanı daxilində müəyyən miqdarda qış azuqəsi kimi ət qurudur.
Milli.Az xezerxeber.az-a istinadən bildirir ki, əvvəlcə heyvan kəsilir, sonra isə ət doğranaraq duzlanır.
Qaxac əsasən iri və xırdabuynuzlu heyvanların ətindən hazırlanr. Qan təzyiqindən əziyyət çəkənlərin səhhətinə bəzən qoyun əti təsir edir. Belə hallarda isə qaxac hazırlamaq üçün ən uyğunu keçi əti olur.
Qaxac üçün əvvəlcə heyvan soyulur və onun onurğa sümüyü çıxarılır. Çünki onurğa sümüyünün içərisində ilik olduğu üçün qurumur. Ətin tərkibində yalnız qabırğa sümüyü qalır.
Xırdabuynuzlu heyvanlar adətən bütöv şəkildə, iribuynuzlu heyvanlar isə hissələrə bölünərək qurudulur. Ət bir müddət açıq havada saxlanılır ki, soyuq hava və şaxta onu yaxşı qurutsun. Bu zaman ətin tərkibində olan qan və su çıxır. Quruduğu müddətdə duz ətin tərkibinə hopur, bununla da ətdə heç bir xəstəlik qalmır.
Qışa hazırlanan qidalardan biri də bağırsaq dolmasıdır. Heyvanın bağırsağı təmiz yuyulduqdan sonra içərisinə ət doldurularaq qurudulur.
Təxminən 2 kiloqram ətdən 1 kiloqram qaxac əldə edilir. Hazırda qaxacın kiloqramı 20 manata, bağırsaq dolmasının kiloqramı isə 22 manata satılır.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin

Videonu izləmək üçün şəklə klikləyin: