Cəmiyyət

Bakı Dövlət Universitetinin 95 illiyi qeyd olunur

18 Dekabr 2014 11:46
0 Şərh     Baxış: 1 410
VTB-də minimal faiz dərəcəsi ilə nağd kredit 9.9%-dən
#AZERBAİJAN #TƏHSİL

Bakı Dövlət Universitetinin (BDU) 95 illik yubileyinə həsr olunan tədbir keçirilir

APA-nın xəbərinə görə, tədbirdən öncə BDU rəhbərliyi və kollektivi Fəxri xiyabanda Heydər Əliyevin məzarını ziyarət ediblər. Daha sonra BDU-da "Universitetin təsis edilməsi" rəsm tablosunun açılışı olub. Sonra isə qonaqlar universitetin 95 illiyi ilə bağlı sərginin açılışında iştirak ediblər.

Yubiley tədbirində təhsil naziri Mikayıl Cabbarov, AMEA prezidenti Akif Əlizadə, Qafqaz Müsəlmanları İdarəsinin sədri Allahşükür Paşazədə, Tələbə Qəbulu üzrə Dövlət Komissiyasının sədri Məleykə Abbaszadə, Milli Məclisin vitse-spikerləri Bahar Muradova, Ziyafət Əsgərov, millət vəkilləri, xarici ölkələrin Azərbaycandakı səfirləri iştirak edir.

Tədbirin açılışında universitetin xoru beynəlxalq tələbə himni "Qaudeamus"u, tələbə Əlihüseyn Quluzadə Müslüm Maqomayevin "Azərbaycan" mahnısını ifa edib, "Universitetin yaranması" haqqında qısa qrafik film nümayiş olunub

Daha sonra BDU-nun rektoru, akademik Abel Məhərrəmov "95 illik şərəfli yol" mövzusunda məruzə ilə çıxış edib. Rektor bildirib ki, Azərbaycanda tədris müəssisələrinin flaqmanı olan, zəngin tarixi keçmişə malik universitet hazırda tanınmış elm və təhsil mərkəzidir. Universitetin hər zaman Azərbaycanda mütərəqqi fikrinin, milli düşüncəsinin mərkəzi olduğunu deyən A. Məhərrəmov əlavə edib ki, burada Azərbaycanın yüzlərlə tanınmış alimi, ziyalısı, görkəmli diplomatları təhsil alıblar.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.