Cəmiyyət

"Bakı Metropoliteni"ndən sərnişinlərə Yeni il hədiyyəsi

18 Dekabr 2014 10:22
Baxış: 2 524
VTB-də minimal faiz dərəcəsi ilə nağd kredit 9.9%-dən
#AZERBAİJAN #CƏMİYYƏT #METRO

Yeni il gecəsi "Bakı Metropoliteni"nə giriş vaxtı 1 saat artırılacaq

Bunu Trend-in sorğusuna cavab olaraq "Bakı Metropoliteni" QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.

Onun sözlərinə görə, Dünya Azərbaycanlılarının Həmrəyliyi Günü və Yeni il bayramları münasibətilə 2014-cü il dekabrın 31-dən 2015-ci il yanvarın 1-nə keçən gecə "Bakı Metropoliteni"nə giriş vaxt 1 saat uzadılacaq: "Normalda ənənəyə uyğun olaraq bayram günləri metronun iş rejimində dəyişiklik edilir. Belə ki, adi günlərdə sərnişinlərin metroya giriş vaxtı gecə saat 00:00-da bitir. Həmin gecə isə bayram münasibətilə giriş gecə saat 1-ə kimi uzadılacaq".

N.Paşayev onu da əlavə edib ki, bu müddətin daha da uzadılması istisna edilmir: "Dövlət səviyyəsində hər hansı böyük bir tədbir keçirilərsə və Bakı Metropoliteninə iş rejiminin uzadılması ilə bağlı əlavə təklif olarsa, bu müddət daha da artırıla bilər. Amma faktiki olaraq bayram gecəsi metroya giriş-çıxış vaxtının hələlik 1 saat uzadılması nəzərdə tutulur".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.