Cəmiyyət

Sumqayıtda körpəsi oğurlanan ana ilə bağlı yeni FAKTLAR - VİDEO

18 Dekabr 2014 10:15

0 Şərh Baxış: 4 961

VTB-də minimal faiz dərəcəsi ilə nağd kredit 9.9%-dən

#AZERBAİJAN #CƏMİYYƏT #VİDEO

4 ay əvvəl Sumqayıtda 2 aylıq körpəsinin oğurlanması hadisəsi ilə tanınan Aysel Əhmədovayla bağlı maraqlı məlumat yayılıb. Onun övladlarından birini Sumqayıt şəhərindəki 26 saylı körpələr evi-uşaq bağçasına verdiyi bildirilir.

APA TV-nin əldə etdiyi məlumata görə, üç uşağı olan Aysel Əhmədova böyük övladını 3 ay əvvəl körpələr evinə verib. Uşaq həftənin 5 günü bağçada qalır, anası onu şənbə-bazar günləri evinə aparır. Bildirilir ki, qadın övladına qarşı laqeydlik edir, onunla kobud danışır. Bağçada mehriban münasibət görən uşaq anası ilə qalmaq istəmir. Aysel Əhmədova oğurlanan uşağını da körpələr evinə vermək istəyib. Hətta onları sənədsiz bağçada qoymağa cəhd edib.

Aysel Əhmədovanın özü ilə görüşmək cəhdimiz baş tutmayıb. Onun yaşadığı ünvanda heç kimi tapmaq mümkün olmayıb. Aysel Əhmədovanın işlədiyi mağazadan bildirilib ki, o bir müddət əvvəl işdən ayrılıb.

Telefon vasitəsilə əlaqə saxladığımız Aysel Əhmədova əvvəlcə müsahibə verəcəyini desə də, sonra fikrindən daşınıb. O, bunu valideynlərinin icazə verməməsi ilə əlaqələndirib.

Məlumat üçün bildirək ki, avqustun 13-də Sumqayıt sakini Aysel Əhmədova polisə müraciət edərək, tanımadığı qadının övladını qaçırdığını bildirmişdi. Aysel Əhmədovanın iddiasına görə, uşağını parkda müvəqqəti saxlaması üçün tanımadığı qadına verib.

Keçirilən əməliyyatla uşağı oğurlamaqda təqsirləndirilən Xırda Babayeva saxlanılmış, körpə anasına qaytarılmışdı. O, övladının olmadığı üçün bu addımı atdığını demişdi.

Qeyd edək ki, Xırda Babayeva barəsində həbs-qəti imkan tədbiri seçilib. Hazırda cinayət işi üzrə istintaq davam edir.

Milli.Az

Videonu izləmək üçün şəklə klikləyin.

Milli.Az - Xəbər Portalı

Sumqayıtda körpəsi oğurlanan ana ilə bağlı yeni FAKTLAR - VİDEO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?