Cəmiyyət

Yeni mahnı yazıldı: "Vur, komandir, vur..."

23 Noyabr 2014 11:27
5 Şərh     Baxış: 6 696
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #AZERBAİJAN #CƏMİYYƏT
Ermənistan Hərbi-Hava Qüvvələrinə məxsus vertolyotun işğal etdikləri Azərbaycan ərazisindən mövqelərimizə hücumunu dəf edən o məşhur komandir bu gün evindədir.

Anspress xəbər verir ki, cəhbənin Ağdam istiqamətində mövqelərimizə hücuma cəhd edən Ermənistan Silahlı Qüvvələrinə məxsus Mi-24 tipli helikopteri açdığı atəşlə məhv edən müddətdən artıq hərbi qulluqçu İlkin Muradov doğma kəndi Xolqarabucaqdadır.

Hərbi xidmətdə fərqləndiyinə görə hərbi hissə tərəfindən mükafatlandırılan İlkin valideynləri ilə görüşmək imkanı qazanıb.

Neftçala rayonunun Xolqarabucaq kəndində indi qocalı-cavanlı hamı Muradovlar ailəsinə baş çəkib sevinclərinə şərik olur.

İlkini sürprizlə qarşılayanlar da var. Onun üçün mahnı da bəstələyiblər.

Bu mahnının sədaları altında İlkinlə həmsöhbət olmaq hamı kimi bizə də qurur verirdi:

"Vur, komandir, vur,


Gəlir bu mənfur,


Düşməni susdur, sərhəddi pozur.


Vur, komandir, vur..."

İki bacının bir qardaşı, ailənin ilki olan 24 yaşlı İlkinin gəlişinə sevinən atanın hisslərinə isə yəqin ki, bütün atalar şərik çıxardı.

Bu gün Xolqarabucaq kəndi sevinc içindədir. Bu sevinci doğuransa İlkinin daha böyük döyüş uğurlarına imza atacağına və qələbə gününün çox da uzaqda olmayacağına inam hissidir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.