Fərhad Əliyevin keçmiş xanımı və qızından FOTOlar

Energetika naziri Natiq Əliyevin oğlu Fərhad Əliyevin keçmiş həyat yoldaşı Sara Əliyeva Sevimlibala.az saytına geniş müsahibə verib.

Milli.Az müsahibədən kiçik bir hissəni təqdim edir:

- Sara, sizin on yaşında qızınız var.  Aktiv fəaliyyətinizi uşağın tərbiyəsi ilə necə birləşdirirsiniz? Vaxtınız çatırmı?
 
- Bilirsinizmi, qızımın da çox fəal qrafiki var. O, saat üçə qədər məktəbdə  olur, sonra musiqi ilə məşğul olur, bir ara gimnastikaya gedirdi, oxu və riyaziyyatla məşğul olur. Səhərlər mən onu məktəbə yola salıram və biz yalnız axşam evə qayıdanda görüşürük.
 
- Hamiləlik dövrünü necə keçirmisiniz? Gələcək analar üçün mağazalara gedirdinizmi?
 
- Hamiləliyim yaxşı keçib, 9 ayına qədər üzmüşəm, təyyarə ilə səfərlərə çıxmışam, piyada çox gəzmişəm, amma gələcək analar üçün mağazalara getməmişəm, onları heç sevmirəm. Oradan yalnız şalvar alırdım, qalan şeyləri isə adi mağazalardan əldə edirdim.
 
- Ana olmağınız sizi dəyişdirdi?
 
- Əlbəttə, axı ana olduqdan sonra başqa bir insanın həyatının səndən asılı olduğunu başa düşürsən. Sən öz uşağın üçün yaşamağa başlayırsan, onun qrafikindən asılı olursan.

- Uşaqlar üçün cizgi filmləri və kitablar uşağın inkişafına təsir göstərir. Sara böyüdükcə Siz onları seçirdinizmi?
 
- Bəli, axı onlar həm tərbiyələndirir, həm də uşağın təhsili onlardan başlanır. Qızımın 4 yaşına qədər mən ona xarici  cizgi filmlərinə baxmağa icazə vermirdim. O, sovet cizgi filmlərinə  baxaraq böyüyüb. Onun üçün kitabları da diqqətlə seçirdim, ona nağıllar oxuyurdum, 4 yaşında isə o, özü oxumağa başlayıb. Yeri gəlmişkən deyim ki, bu yaxınlarda psixoloqla söhbət zamanı öyrəndim ki, uşaqlara xeyirlə şərin mübarizəsi motivləri   olan nağılları danışmaqdan çəkinmək lazım deyil. Uşaq bu barədə bilməlidir və əgər valideynləri ona nağılı evdə, təhlükədən qorunduğu yerdə oxuyurlarsa, o, bunu düzgün qavrayacaq və real həyata hazır olacaq.
 
- Asudə vaxtınızı qızınızla birgə necə keçirməyi xoşlayırsınız?
 
- Biz birlikdə köhnə filmlərə baxmağı xoşlayırıq. Bu yaxınlarda Adriano Çelentanonun iştirakı ilə filmlərə  baxdıq, onun çox xoşuna  gəldi. "Roma tətilləri" filmi qızımın çox xoşuna gəlir və onun səkkiz yaşı olanda hədiyyə olaraq  , onu Romaya aparmaq qərarına gəldik. Burada o, kinofilmin çəkildiyi bütün yerlərdə oldu. Amerikaya səfərimiz də yaddaqalan olub. Qızım Hollivudu görməyi çox arzulayırdı və onda böyük təəssüratlar oyandı (gülümsəyir). Yeni ildə Rio-de-Janeyroya getmək hələ də xəyalımızdadır.

Qeyd edək ki, Sara Əliyevanın eks-həyat yoldaşı Fərhad Əliyev hazırda Azərbaycanın Eurovision təmsilçisi Safurə Əlizadə ilə evlidir.

Milli.Az

Böyütmək üçün şəkillərə klikləyin.