Kaseto şirniyyatı resepti

Xırçıldayan biskvit altlığı, yüngül və köpüklü kremi, kakaolu ikinci qatı ilə hazırlanan kaseto şirniyyatı, xüsusilə yay aylarında sərinləşdirici və zərif təamlar axtaranlar üçün çox fərqli bir alternativdir.

Milli.Az lazım olan ərzaqları təqdim edir:

Altlığı üçün:

1 paket yulaf biskviti

2 xörək qaşığı əridilmiş kərə yağı

1 xörək qaşığı süd

Kremi üçün:

4 ədəd yumurta

1 su stəkanı şəkər tozu

2 paket krem şanti

1,5 su stəkanı soyuq süd

1 ədəd limon qabığının rəndəsi

1 paket vanil

Kakaolu qatı üçün:

2 xörək qaşığı kakao

4 xörək qaşığı damla şokolad

1 ovuc iri üyüdülmüş fındıq (istəyə görə)

Hazırlanma qaydası
Biskvitləri blenderdən keçirərək un halına gətirin. Əridilmiş kərə yağı və süd ilə qarışdırıb dördbucaq qəlibin (formanın) dibinə sıxaraq yayın.

Yumurtaların sarısını və ağını fərqli qablara ayırın.

Yumurta ağlarını mikserlə bərk köpük halına gələnə qədər yaxşıca çalın.

Ayrı bir qabda yumurta sarılarını, şəkər tozunu və limon qabığı rəndəsini rəngi açılana qədər çalın.

Başqa bir qabda krem şantini soyuq süd ilə qatılaşana qədər hazırlayın. Əvvəlcə yumurta sarılı qarışığı krem şantiyə əlavə edin. Ardından yumurta ağlarını spatula vasitəsilə, köpüyünü söndürmədən ehtiyatla bu qarışığa yedirin.

Hazırladığınız bu ağ qarışığın yarısını biskvit altlığının üzərinə yayın.

Qabda qalan digər yarıya kakao, damla şokolad və istəyə görə fındıq əlavə edib qarışdırın. Bu kakaolu qatı da ağ qatın üzərindən yayın.

Qəlibin üzərini örtün və dondurucuda ən az 8 saat, imkan varsa bir gecə saxlayın. Servis etməzdən bir kaç dəqiqə əvvəl çıxarıb dilimləyin.

Yumurta ağlarını ayrı çırpıb qarışığa söndürmədən əlavə etmək daha yüngül və məsaməli olmasını təmin edir.

Biskvitli altlığı qəlibə yayarkən üzərindən yaxşıca basdırın ki, dilimləyən zaman ovulub dağılmasın.

Qatları hazırlayarkən mikserlə deyil, spatula ilə aşağıdan yuxarıya doğru nazik hərəkətlərlə qarışdırın ki, kremin həcmi itməsin.

Şirniyyatı dondurucudan çıxardıqdan sonra 5-10 dəqiqə gözlətsəniz, daha rahat və hamar dilimlənəcək.

Lalə Qüdrətova
Milli.Az