Cəmiyyət

Təcrübə mübadiləsi keçiriləcək

28 Mart 2014 20:27

Baxış: 524

VTB-də yüksək depozit faizleri daha çox qazandırır

#AZERBAİJAN

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasında 1-4 aprel 2014-cü il tarixlərində Macarıstana səfər edəcək Şura əməkdaşları və QHT-lərdən ibarət nümayəndə heyətinin üzvləri ilə görüş keçirilib.

Şuranın mətbuat xidmətindən Trend-ə verilən məlumata görə, toplantıda çıxış edən Şura sədri, millət vəkili Azay Quliyev nəzərdə tutulan səfərin Şuranın xarici QHT-lərin layihələrinə dəstək proqramı çərçivəsində maliyyələşdirdiyi Macarıstanın "Subyektiv Dəyərlər" Fondunun təşkilatçılığı ilə həyata keçirildiyini bildirib.

Şura sədri səfər çərçivəsində Azərbaycanın və Macarıstanın müasir inkişaf modelllərinə həsr olunmuş seminar, eyni zamanda, insan haqları, milli azlıqlar, əlilliyi olan şəxslər, qaçqın və məcburi köçkünlər, Şərq Tərəfdaşlığı proqramı, vətəndaş cəmiyyəti quruculuğu istiqamətlərində ixtisaslaşmış QHT-lərin təcrübə mübadiləsinin keçiriləcəyini qeyd edib.

A.Quliyev Şuranın fəaliyyətində hər zaman Azərbaycan həqiqətlərinin dünyada tanıdılması məsələsinin prioritet təşkil etdiyini və ötən ildən başlayaraq həyata keçirilən xarici QHT-lərin layihələrinin dəstəklənməsi proqramınında bu cəhətdən böyük fürsət olduğunu söyləyib.

Nümayəndə heyətinə daxil olan QHT-lərin üzərinə böyük məsuliyyətin düşdüyün bildirən Şura sədri keçiriləcək görüşlərlə bağlı QHT sədrlərinin təkliflərini dinləyib və mövzu ətrafında müzakirələr aparılıb.

Milli.Az

Milli.Az - Xəbər Portalı

Təcrübə mübadiləsi keçiriləcək

DİGƏR XƏBƏRLƏR

XƏBƏR LENTİ

TOP VIDEO

SORĞU

Yayda harada dincələcəksiniz?