Cəmiyyət

Uşaqla tətilə çıxanlar üçün vacib məsləhətlər

2 Avqust 2025 12:21

Baxış: 857

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Yay mövsümü ailələr üçün səyahət vaxtıdır, amma uşaqla tətilə çıxarkən bir sıra vacib məqamlara diqqət etmək lazımdır.

Milli.Az xəbər verir ki, uşaqların həssas dərisi olduğu üçün günəşdən qoruyucu kremdən istifadə etmək, şapka və açıq rəngli geyimlər geyindirmək önəmlidir, günəşin ən güclü olduğu 11:00-dan 16:00-dək açıq havada qalmaqdan çəkinmək məsləhətdir.

Uşaqlar yayda tez susuzlaşdığından onlara kifayət qədər təmiz su və təbii şirələr vermək, qazlı və şirin içkilərdən uzaq durmaq lazımdır. Gigiyena qaydalarına riayət etmək, əlləri tez-tez yumağı vərdiş halına gətirmək və açıq havada yeyilən qidalara diqqət yetirmək vacibdir. Tətil zamanı uşağın yuxu rejimini pozmamaq, onun kifayət qədər yatmasını təmin etmək əhəmiyyətlidir. Səyahət zamanı uşaq üçün təhlükəsiz avtomobil kreslosundan istifadə etmək, dəniz və hovuzlarda uşağı daim nəzarətdə saxlamaq lazımdır. Həmçinin təcili yardım çantasında lazım olan dərmanlar, günəşdən qoruyucu vasitələr və ilk yardım ləvazimatları olmalıdır.

Qeyd edək ki, bu sadə qaydalara əməl etməklə valideynlər uşaqlarının sağlam və təhlükəsiz yay tətilini təmin edə bilərlər.

Asya
Milli.Az