Sağlamlıq

Bu məhsullar rəflərdən yığışdırılır - Yeni qərar

1 Avqust 2025 23:45
Baxış: 1 996
VTB-də minimal faiz dərəcəsi ilə nağd kredit 9.9%-dən
#DÜNYADA #SAĞLAMLIQ #TÜRKİYƏ

Türkiyənin Kənd Təsərrüfatı Nazirliyi tərəfindən qəbul edilən yeni qərara əsasən, bu gündən etibarən içki məhsullarının etiketlərində "şəkərsiz" ifadəsinin istifadəsi qadağan olunub.

Milli.Az xəbər verir ki, yeni tənzimləmə əsasən, kola, meyvə suyu, limonad və digər oxşar içkilərdə istər təbii, istərsə də süni şəkər və ya şirinləşdirici olsa belə, məhsulun üzərində "şəkərsiz", "şəkər əlavə olunmayıb" və ya "əlavə şəkər yoxdur" kimi ifadələr yazıla bilməz. Qaydaya əməl etməyən məhsullar satışdan çıxarılacaq.

Nazirlik bu qərarı Türk Qida Kodeksinin müvafiq bəyanat qaydalarında etdiyi dəyişikliklə əsaslandırıb. Bildirilir ki, bəzi istehsalçılar xurma, bəhməz kimi təbii şəkərlə şirinləşdirilmiş məhsullara da "şəkərsiz" yazaraq istehlakçını çaşdırır. Yeni qaydalara əsasən, belə hallarda konkret şəkər mənbəyi etiketdə açıq şəkildə göstərilməlidir.

Nazirlik açıqlamasında qeyd edib ki, etiketlərdəki yanlış məlumatlar xüsusilə piylənmə, diabet və kalori istehlakına diqqət edən istehlakçılar üçün aldadıcı olur. Bu səbəbdən yeni qayda onların doğru məlumat almasını təmin etməyi hədəfləyir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.