Cəmiyyət

Keçmiş vitse-prezident ittihamları cavablandırdı - VİDEO

14 Yanvar 2014 15:37
0 Şərh     Baxış: 952
VTB-də minimal faiz dərəcəsi ilə nağd kredit 9.9%-dən
#AZERBAİJAN

"Bizdə Azərbaycan Respublikasının Ali Məhkəməsinin qərarı var"

"Altes Qrup" şirkətinin keçmiş vitse-prezidenti Polad Qabulov ona qarşı qaldırılan ittihamlara cavab verdi. Polad Qabulovun sözlərinə görə, 2011-ci ildə şirkətin prezidenti Rüstəm Abdullayev digər payçıların razılığı olmadan London şəhərində birjaya pul qoyub və uduzub. Daha sonra həmin itirilən məbləği şirkətin xərcləri kimi göstərməyi təklif edib. Ancaq ortaqlar buna razı olmayıblar. Həmin vaxtdan etibarən Rüstəm Abdullayevlə digər payçılar arasında mübahisələr yaranıb.

"Altes Qrup" şirkətinin keçmiş vitse-prezidenti Polad Qabulovun sözlərinə görə, Rüstəm Abdullayev hər bir təzyiq vasitələrindən istifadə edir: "Şər-böhtan atmaqla hüquq mühafizə orqanlarına müraciət edir. Hətta bir payçıya fiziki təzyiqlər edib. Kütləvi İnformasiya Vasitələrində yaydığı məlumatlarda ona görədirki, sabah birşey olsa məsuliyyətdən qaça bilsin".

"Altes Qrup" şirkətinin rəhbəri Rüstəm Abdullayev isə ANS-ə bildirib ki, Polad Qabulovun internetdə yayılan təkzibini qəbul etmir. Onun fikrincə, keçmiş əməkdaşı açıqlamasında ona qarşı irəli sürülən iddialara aydınlıq gətirə bilmir:

"O, bizə məhkəmənin qərarı ilə aid olan məbləği qaytarmasa, müəyyən sanksiyalar var ki, ona qarşı tətbiq olunacaq və zərərçəkən tərəfi də kompensasiya ilə təmin olunacaq. Bizdə Azərbaycan Respublikasının Ali Məhkəməsinin qərarı var. Biz hüquqi dövlətdə yaşayırıq. Fikrimcə, bu kifayət edəcək ki, bizdən alınan pulu geri qaytara bilək".

Şirkət rəhbərliyinin sözlərinə görə, keçən ilin dekabrın 17-də Ali Məhkəmənin qərarı ilə Polad Qabulov tərəfindən "Altes Qrup" şirkətinin kassasından pulların mənimsənilməsi haqqında Ali Məhkəmənin qərarı verilib. Qərara əsasən, o, mənimsədiyi 235,500 manatı geri qaytarmalıdır. Ancaq hələ ki məsələ mübahisə mövzusudur.

Milli.Az

Videonu izləmək üçün aşağıdakı şəklə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.