Maraqlı

Nə türk qəhvəsi, nə də amerikano - Ən sağlam qəhvə bəlli oldu

12 Oktyabr 2026 07:07

Baxış: 356

VTB-də minimal faiz dərəcəsi ilə nağd kredit 9.9%-dən

#QİDA

Milyonlarla qəhvəsevəri yaxından maraqlandıran elmi açıqlama verilib. İllərdir davam edən müzakirələrə son qoyan mütəxəssislər ürək sağlamlığından xolesterin balansına qədər orqanizmi qoruyan ən faydalı qəhvə növünü və dəmləmə sirrini açıqlayıblar.

Milli.Az xəbər verir ki, mütəxəssislərin sağlam yaşam siyahısında ilk sıranı kağız filtrlə dəmlənən sadə filtr qəhvə tutub. Araşdırmalara görə, qəhvə dənələrinin tərkibində olan və qandakı pis xolesterini (LDL) yüksəldə bilən "kafestol" və "kahveol" adlı yağ birləşmələri kağız filtr sayəsində tamamilə süzülür. Bu da damar tutulması və ürək xəstəlikləri riskini minimuma endirir.

Qovrulma dərəcəsinə diqqət edin:
Orta qovrulmuş dənələr: Yüksək istilikdə tünd qovrulmuş qəhvədə hüceyrələri qoruyan antioksidantlar məhv olur. Orqanizmi sərbəst radikallardan qoruyan xlorogen turşusu miqdarını maksimal səviyyədə saxlamaq üçün orta qovrulmuş (medium roast) qəhvə dənələrinə üstünlük verilməlidir.

Mütəxəssislər xəbərdarlıq edirlər ki, ən sağlam qəhvəyə bile sirop, süni krema, çoxlu şəkər və yağlı süd əlavə edildikdə onun maddələr mübadiləsini sürətləndirən və II tip diabet riskini azaldan faydalı təsirləri tamamilə itir.

Müəllif: Ülkər Vəliyeva (Milli.Az redaktor)