Cəmiyyət

Cərciz adlı peyğəmbər olubmu?

16 May 2013 18:11
1 Şərh     Baxış: 3 301
VTB-də minimal faiz dərəcəsi ilə nağd kredit 9.9%-dən
Bu ad Georgius adının ərəbləşdirilmiş variantıdır.

Milli.Az İslam.az-a istinadən bildirir ki, Həzrət Cərcis (ə) Fələstində yaşayırdı. Sonralar Həzrət Cərcis (ə) Mosula köçdü. O zamanlar Mosulda bütlərə inanan zalım bir padşah hakimiyyət sürürdü. Cərcis Peyğəmbər (ə) camaatı bütlərdən döndərib Allaha doğru çağırmağa başladı. Xeyli adam, hətta padşahın arvadı da imana gəldi. Padşah Cərcis Peyğəmbəri (ə) öldürmək üçün Onu ən ağır işgəncələrə məruz qoyur.

Peyğəmbər dörd dəfə ölümcül işgəncə altına düşür: Onun bə­dəninin ətini dəmir daraqla qoparırlar, Onu qaynar yağın içinə atırlar, odda yandırır, başına mismar vururlar. Amma hər dəfə Allah-təala Həzrət Cərcisi (ə) sağ-salamat saxlayır. Yeddi ildən sonra Allahın hökmü ilə Həzrət Cərcis (ə) vəfat edir, padşah və tərəfdarları Allahın göndərdiyi bəla ilə məhv olurlar.

İraqın Mosul şəhərində Həzrət Cərcis Peyğəmbərin (ə) böyük məqbərəsi var. Azərbaycanın Beyləqan rayonunda da Cərcis Peyğəmbərə (ə) aid edilən məzar ziyarətgah kimi tanınır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.