Sağlamlıq

Yayın vazkeçilməzidir, faydaları saymaqla bitmir

9 İyun 2026 01:01
Baxış: 313
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #XƏSTƏLİK #MEYVƏ-TƏRƏVƏZ

Qarpız təkcə yay mövsümünün sevilən meyvəsi deyil, həm də ürək-damar sağlamlığı üçün faydalı qida məhsuludur.

Milli.Az xarici mətbuata istinadən xəbər verir ki, 2022-ci ildə aparılan tədqiqat zamanı qarpız istehlak edən insanların daha çox faydalı qida maddələri qəbul etdiyi müəyyən olunub. Araşdırmaya görə, qarpız qida lifləri, maqnezium, kalium, C və A vitaminləri, likopin və digər karotinoidlərin qəbulunu artıraraq həm uşaqlarda, həm də böyüklərdə qidalanma keyfiyyətini yaxşılaşdıra bilər.

2025-ci ildə aparılan başqa bir araşdırma isə qarpızın ürək sağlamlığına müsbət təsir göstərə biləcəyini ortaya qoyub. Alimlərin fikrincə, bu meyvə arterial təzyiqin azalmasına və ürək-damar sisteminin fəaliyyətinin yaxşılaşmasına kömək edə bilər.

Qarpızın tərkibindəki kalium, likopin və sitrullin normal qan təzyiqinin və qan dövranının qorunmasına dəstək verir. Xüsusilə L-sitrullin adlı amin turşusunun qan damarlarının fəaliyyətinə müsbət təsir göstərdiyi bildirilir.

Mütəxəssislər qeyd edirlər ki, qarpız ürək üçün faydalı olsa da, infarkt və insult riskinin azaldılması üçün onu balanslı və sağlam qidalanma proqramının bir hissəsi kimi qəbul etmək vacibdir.

Qarpızı gündəlik rasiona salatlarda, smuzilərdə, yoqurtla birlikdə və ya təbii desert kimi istifadə etmək mümkündür. Dietoloqlar bu meyvənin həm dadlı, həm də qida dəyəri yüksək seçim olduğunu vurğulayırlar.  

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.