Cəmiyyət

Diplomatik xidmətə qəbul imtahanının nəticələri 3 həftəyə açıqlanacaq

25 İyun 2026 17:41

Baxış: 345

VTB-də minimal faiz dərəcəsi ilə nağd kredit 9.9%-dən

Dövlət İmtahan Mərkəzi (DİM) tərəfindən iyunun 25-də Xarici İşlər Nazirliyində diplomatik xidmətə qəbul olmaq istəyən namizədlər üçün imtahanın yazılı mərhələsi keçirilib.

DİM-dən Milli.Az-a bildirilib ki, imtahan zamanı namizədlərin xarici dil üzrə "dinləyib-anlama" və "oxuyub-anlama" bacarıqları, həmçinin xarici dil və Azərbaycan dillərində analitik yazı bacarıqları yoxlanılıb.

İmtahan nəticələrinin danışıq bloku üzrə imtahanın nəticələri ilə birlikdə yaxın üç həftə ərzində elan olunması nəzərdə tutulur.

Qeyd edək ki, namizədlərin danışıq bloku üzrə imtahanı iyunun 26-da keçiriləcək. İştirakçılar "İmtahana buraxılış vərəqəsi"ni DİM-in elektron xidmətlər portalı vasitəsilə əldə edə bilərlər. Buraxılış vərəqəsində imtahanın keçiriləcəyi bina və zal, imtahanın başlanma vaxtı, eləcə də iştirakçının imtahan binasına gəlməli olduğu vaxt göstərilib.

Müəllif: Malik Məlikov (Milli.Az redaktor)