Cəmiyyət

Azyaşlının həyatını belə xilas etdi - VİDEO

1 İyun 2026 16:15
Baxış: 507
VTB-də minimal faiz dərəcəsi ilə nağd kredit 9.9%-dən
#YOL #VİDEO #SÜRÜCÜ #AVTOMOBİL #UŞAQ

Sosial şəbəkələrdə yayılan görüntülər izləyiciləri həm narahat edib, həm də duyğulandırıb.

Milli.Az xəbər verir ki, kadrlarda Gəncə şəhərində təxminən 1 yaş yarımlıq azyaşlının nəzarətsiz şəkildə avtomobil yolunun kənarında hərəkət etdiyi görünür. Görüntülər qısa zamanda geniş yayılaraq müzakirələrə səbəb olub.

Videoda ərazidən keçən sürücülərdən birinin vəziyyəti vaxtında fərq etdiyi əks olunub. Sürücü avtomobilini saxlayaraq azyaşlının yanına gedib və onu təhlükəli ərazidən uzaqlaşdırıb.

Daha sonra uşağı qucağına alan sürücü onun qaçdığı istiqamətdə gedərək valideynlərini tapıb və azyaşlını onlara təhvil verib. Sosial media istifadəçiləri sürücünün diqqətli davranışının mümkün faciənin qarşısını aldığını qeyd ediblər.

Yayılan görüntülər valideyn məsuliyyəti ilə bağlı da müzakirələr yaradıb. Bir çox istifadəçi azyaşlıların nəzarətsiz qalmasının təhlükəli nəticələrə səbəb ola biləcəyini vurğulayıb, sürücünün hərəkətini isə təqdirəlayiq addım kimi qiymətləndirib.

Musa
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.