Şou-biznes

Müğənni Leyla dağılan ailəsindən danışdı: "Düşünməzdim ki, başıma gələr"

16 İyul 2026 15:10

Baxış: 825

VTB-də minimal faiz dərəcəsi ilə nağd kredit 9.9%-dən

#AİLƏ

Müğənni Leyla Rəhimova şəxsi həyatı ilə bağlı səmimi etiraflar edib.

Milli.Az-ın məlumatına görə, sənətçi "Evdəkilərə salam" verilişində bildirib ki, həyat hər zaman insanların arzuladığı kimi olmur və bəzi hadisələr gözlənilmədən baş verir.

"Həyatdır, hər şey göründüyü kimi olmur. Hər şey istədiyimiz kimi alınmır. Heç vaxt düşünməzdim ki, belə bir vəziyyətlə qarşılaşaram. Ailənin dağılması, ayrılıq yaşamaq mənim də başıma gələr", - deyə o bildirib.

Leyla Rəhimova sənətin onun üçün müvəqqəti, ailənin isə əbədi dəyər daşıdığını vurğulasa da, həyatın fərqli sınaqlarla qarşısına çıxdığını qeyd edib.

Müğənni keçmiş həyat yoldaşına qarşı kin saxlamadığını da dilə gətirib. O, vaxtilə həyat yoldaşını sevdiyini bildirərək, "Allah onun da canını sağ etsin. Ortada övladlarımız var", - sözlərini işlədib.

Sənətçi rəsmi şəkildə boşandıqlarını açıqlayıb. Hazırda övladları ilə birlikdə anasının bağ evində yaşadığını və şəxsi evi olmadığını deyən Leyla Rəhimova, uşaqların ataları ilə istədikləri zaman əlaqə saxladıqlarını da əlavə edib.

Müğənninin bu açıqlamaları sosial şəbəkələrdə maraqla qarşılanaraq müzakirələrə səbəb olub.

Müəllif: Tural Hüseyn (Milli.Az redaktor)