Cəmiyyət

Vətəndaş 20 manat yükləsə də, balansda 18 manat görünüb - Səbəbi bu İMİŞ

15 May 2026 17:07

Baxış: 614

VTB-də minimal faiz dərəcəsi ilə nağd kredit 9.9%-dən

İşıq sayğacına edilən ödənişin bir hissəsinin balansda görünməməsi yenidən vətəndaş narazılığı yaradıb. Sosial şəbəkələrdə yayılan görüntülərdə abonent bildirir ki, sayğaca 20 manat yükləməsinə baxmayaraq, balansda yalnız 18 manat görünüb.

Milli.Az xəbər verir ki, mövzu ilə bağlı Azərişıq ASC açıqlama verərək fərqin sabit tariflə bağlı olduğunu bildirib.

Qurumun məlumatına görə, hər ay abonent hesabından 1 manat sabit tarif haqqı tutulur. Fevral ayında bəzi istifadəçilərdən bu məbləğ çıxılmadığı üçün mart ayında edilən ilk ödəniş zamanı iki ayın fevral və mart aylarının sabit tarifləri birlikdə hesabdan silinib.

Bildirilib ki, sabit tarif sistemi fevralın son günlərində tətbiq edildiyindən həmin müddətdə ödəniş etməyən abonentlərdə məbləğ dərhal tutulmayıb. Nəticədə, vətəndaş martın 6-da balans artırdıqda sistem avtomatik olaraq iki aylıq sabit tarif haqqını çıxıb və yüklənən 20 manatın yalnız 18 manatı balansda əks olunub.

Asya
Milli.Az