Cəmiyyət

Həcc səfərlərinin qrafiki və uçuş detalları açıqlandı

13 May 2026 13:22

Baxış: 331

VTB-də minimal faiz dərəcəsi ilə nağd kredit 9.9%-dən

Həcc ziyarətinə hər biri 4 qrupdan ibarət olmaqla, ümumilikdə, zəvvarları daşıyacaq 7 təyyarə yola düşəcək.

Milli.Az xəbər verir ki, bu barədə APA-ya Qafqaz Müsəlmanları İdarəsi (QMİ) Xarici Əlaqələr şöbəsinin müdiri, Həcc elektron sistem rəhbəri Vüsal Cahangiri məlumat verib.

O bildirib ki, hər biri 180 nəfərdən ibarət birinci və ikinci zəvvar təyyarəsi mayın 17-də, üçüncü və dördüncü zəvvar təyyarələri mayın 18-də, beşinci və altıncı zəvvar təyyarələri mayın 19-da, yeddinci zəvvar təyyarəsi isə mayın 21-də Həcc ziyarətinə yola düşəcək: "Hər təyyarədə 4 zəvvar qrupu olacaq. Səhər və axşam olmaqla, gündə iki təyyarə yola düşəcək, mayın 21-i isə bir təyyarə yola düşəcək. Onlar ilk olaraq Ciddə şəhərində düşüb, avtobuslarla Cöhfə miqatına gedəcəklər, orada ehram bağlayıb gecə saatlarında Məkkəyə çatacaqlar".

Xatırladaq ki, 2026-cı il Həcc mövsümündə bir nəfər üçün ziyarət paketinin qiyməti 6100 ABŞ dolları müəyyən edilib.

Milli.Az