Siyasət

Əraqçi Ceyhun Bayramovu danışıqlar prosesi barədə məlumatlandırıb - YENİLƏNİB

13 May 2026 13:10

Baxış: 336

13 may tarixində Azərbaycan Respublikasının xarici işlər naziri Ceyhun Bayramov ilə İran İslam Respublikasının xarici işlər naziri Seyid Abbas Əraqçi arasında telefon danışığı baş tutub.

Azərbaycan Xarici İşlər Nazirliyindən Milli.Az-a verilən xəbərə görə, telefon danışığı zamanı Azərbaycan-İran ikitərəfli əlaqələri, regionda mövcud vəziyyət və bu çərçivədə danışıqlar prosesinin gedişatı, İran ətrafında vəziyyətin diplomatik və siyasi həll perspektivləri ətrafında müzakirə aparılıb.

Nazir Abbas Əraqçi danışıqlar prosesi barədə ətraflı məlumat verib.

Nazir Ceyhun Bayramov münaqişənin sülh və danışıqlar yolu ilə həlli istiqamətində səyləri dəstəklədiyimizi diqqətə çatdırıb.

Nazirlər, həmçinin qarşılıqlı maraq doğuran digər ikitərəfli, regional və beynəlxalq məsələlər ətrafında fikir mübadiləsi aparıblar.

______________

Azərbaycanın xarici işlər naziri Ceyhun Bayramov bu gün İranın xarici işlər naziri Abbas Əraqçi ilə telefon danışığı aparıb.

Milli.Az xəbər verir ki, Ceyhun Bayramov Abbas Əraqçi ilə diplomatik proseslərlə bağlı son vəziyyət, regional hadisələr və ikitərəfli münasibətləri müzakirə edib.

Milli.Az