Cəmiyyət

Şuşaya gedənlərin DİQQƏTİNƏ: 150 manat cərimə oluna bilərsiniz - YENİLƏNİB

13 May 2026 17:14

Baxış: 2 538

VTB-də minimal faiz dərəcəsi ilə nağd kredit 9.9%-dən

17:14

"Şuşa şəhərində hərəkət iştirakçılarının rahatlığının və təhlükəsizliyinin təmin edilməsi məqsədilə, yol hərəkətinin təşkilində müəyyən dəyişiklik edilib".

Milli.Az xəbər verir ki, bu barədə Baş Dövlət Yol Polisi İdarəsi məlumat yayıb.

Qeyd olunub ki, Xankəndi şəhəri istiqamətindən Şuşa şəhərinə giriş və çıxış müvafiq olaraq, İstiqlal və 8 Noyabr küçələri üzrə birtərəfli hərəkət təşkil olunub.

"Adıçəkilən küçələrdə hərəkətin nizamlanması üçün müvafiq yol nişanları quraşdırılıb, zəruri təhlükəsizlik və nəzarət tədbirləri görülüb.

Vətəndaşları Şuşa şəhərində hərəkətin təhlükəsiz və rahat təşkili məqsədilə edilən dəyişiklikləri nəzərə almağa, yol nişanları və digər nizamlama vasitələrinin tələblərinə diqqətlə əməl etməyə tövsiyə edirik", - deyə məlumatda vurğulanıb./oxu.az

10:48

Şuşa şəhərində yol hərəkətinin təşkili ilə bağlı yeni dəyişiklik tətbiq olunub.

Milli.Az xəbər verir ki, Şuşa qalasının önündən keçən avtomobil yolunda nəqliyyat vasitələrinin hərəkəti artıq birtərəfli istiqamətdə həyata keçiriləcək.

Ərazidə nəqliyyatın təhlükəsiz və nizamlı idarə olunması məqsədilə müşahidə kameraları da quraşdırılıb. Yeni qaydalara əməl etməyən sürücülərə qarşı isə inzibati tədbirlər görüləcək.

Qeyd edək ki, yolun əks istiqamətində hərəkət edən sürücülər 150 manat cərimə və 4 cərimə balı ilə cəzalandırıla bilər.

Aysel Əkbər
Milli.Az