Cəmiyyət

Gecələr dözülməz olan SƏS - Binada yaşamaq mümkün deyil

4 May 2026 17:34

Baxış: 3 405

VTB-də minimal faiz dərəcəsi ilə nağd kredit 9.9%-dən

#ŞİKAYƏT

Bakı şəhəri, Firdovsi Məmmədov küçəsi 12A ünvanında yerləşən "Triumf" yaşayış kompleksinin sakinləri binanın altında yerləşən transformatorun yaratdığı güclü səs-küydən narazıdırlar.

Bununla bağlı Milli.Az-a şikayət daxil olub.

Kompleks sakini, 77 yaşlı pensiyaçı, onkoloji xəstə olan Fatma Ağadadaşovanın sözlərinə görə, son aylarda tikinti işlərinin başa çatmasından sonra transformatorun səsi daha aydın hiss olunmağa başlayıb. Onun bildirdiyinə görə, xüsusilə gecə saatlarında səs-küy daha da artır və dözülməz həddə çatır.

Sakin qeyd edir ki, yaranmış vəziyyət səbəbindən gecələr yatmaq mümkün olmur, bu isə xüsusilə sağlamlıq problemi olan insanlar üçün ciddi narahatlıq yaradır:

"Xəstə olduğum üçün mənə sakit və dinc mühit həyati əhəmiyyət daşıyır. Daimi gurultu baş ağrıları, stress və ümumi vəziyyətimin pisləşməsi ilə nəticələnir".

Bununla yanaşı, sakinlər transformatorun mümkün radiasiya təsiri ilə bağlı da narahatlıqlarını ifadə edirlər:

"Qeyd etmək istəyirəm ki, kompleks sakinləri olaraq dəfələrlə məsələ ilə bağlı MTK-ya müraciət etmişik. Bizə transformatorun səs izolyasiyası ilə təmin olunacağı bildirilsə də, bu günə qədər heç bir real tədbir görülməyib və problem olduğu kimi qalmaqdadır".

Məsələ ilə bağlı "Triumf" yaşayış kompleksi ilə əlaqə saxladıq. Sorğumuza cavab olaraq bildirildi ki, hazırda yaranan səslə bağlı izolyasiya işləri görülür.

Mina Mikayılova
Milli.Az